30 кастрычніка а 16-й гадзіне ў галерэі “Лабірынт” (3-ці паверх) адкрыецца літаратурна-асветніцкі праект “Народны настаўнік”, прысвечаны 130-годдзю з дня нараджэння Якуба Коласа.
Мерапрыемства пройдзе ў рамках Года кнігі.
З нагоды юбілею народнага паэта Беларусі Якуба Коласа Нацыянальная бібліятэка Беларусі прапануе наведвальнікам кніжную выстаўку “Народны настаўнік”, прысвечаную шматграннасці коласаўскага таленту, а таксама прэзентацыі новага, суправаджаемага навуковым каментарыем, Збору твораў класіка ў 20 тамах і віртуальнага праекта “Класікі сусветнай літаратуры Янка Купала і Якуб Колас. Да 130-годдзя з дня нараджэння”.
Таксама гасцей мерапрыемства чакаюць цікавыя сустрэчы з роднымі пісьменніка, даследчыкамі і прыхільнікамі коласаўскага слова.
Тэлефоны для даведак: (8 017) 293 28 02, 293 27 67.
E-mail: pr@nlb.by