14 верасня падчас святочных мерапрыемстваў, прымеркаваных да Дня горада Мінска, адбылося ўрачыстае ўзнагароджанне пераможцаў раённага этапу конкурсу “Лепшы малады спецыяліст года”.
Супрацоўнік бібліятэкі Уладзіслаў Жыдовіч, бібліятэкар 2 катэгорыі аддзела бібліятэчна-інфармацыйных тэхналогій, заняў 1 месца ў намінацыі “Лепшы малады спецыяліст установы культуры”.
Эліна Брага, начальнік упраўлення ідэалагічнай працы, культуры і па справах моладзі адміністрацыі Першамайскага раёна, павіншавала і ўручыла дыпломы і памятныя падарункі пераможцам конкурсу.
Конкурс праводзіцца ўжо ў сёмы раз для выяўлення і заахвочвання лепшых маладых спецыялістаў, якія дабіліся поспехаў у сваёй дзейнасці. У гэтым годзе ў раённым этапе прынялі ўдзел больш за 400 прадстаўнікоў прадпрыемстваў і арганізацый сталіцы. Пераможцаў вызначалі ў 10 намінацыях. Самыя крэатыўныя, эрудзіраваныя, смелыя і мэтанакіраваныя маладыя спецыялісты нашага раёна былі ўдастоены гэтых узнагарод.
Віншуем пераможцу! Жадаем далейшага прафесійнага росту!
Матэрыял прадастаўлены аддзелам бібліятэчна-інфармацыйных тэхналогій.
