ГалоўнаяНавіныНавіны Нацыянальнай бібліятэкі Беларусі
Калядныя чытанні ў галоўнай бібліятэцы краіны
Вынікі V Рэспубліканскага конкурсу “Бібліятэка – цэнтр духоўнай асветы і выхавання”

Лекцыя пра духоўныя спевы ў фальклорных традыцыях беларусаў

Лекцыя пра духоўныя спевы ў фальклорных традыцыях беларусаў
Іншыя навіны

Духоўныя песні і канты трывала замацаваліся ў народных музычных традыцыях большасці рэгіёнаў Беларусі. Таму смела можна гаварыць пра існаванне фальклорнай скіраванасці рэлігійнай песеннай творчасці. Разабрацца з тым, што менавіта прынята адносіць да ліку з’яў народнага праваслаўя ў беларускай песеннай традыцыі, дапамагла музыказнаўца Кацярына Чарнова.

28 лістапада ў зале нотных і аўдыявізуальных дакументаў яна сустрэлася з чытачамі бібліятэкі, дзе ў форме мультымедыйнай лекцыі расказала пра духоўныя вершы, псальмы і богаслужбовыя спевы беларусаў і пазнаёміла слухачоў з узорамі “боскіх” песень з аўдыяфонда Акадэміі музыкі.

Прысутныя пачулі духоўныя вершы “Два браты Лазара”, “Вы ўжо, гусі мае”, калядныя і велікодныя псальмы і паглядзелі відэафрагмент выканання верша “Тры анёлы” святочным хорам Свята-Елісавецінскага манастыра. Усіх здзівіла, наколькі простай мовай падобныя музычныя творы трактуюць складаныя царкоўныя тэксты.

Пасля заканчэння мерапрыемства яго ўдзельнікі не спяшаліся разыходзіцца. Яны дзяліліся адзін з адным сваімі ўражаннямі і цікавіліся дакументамі з фонду Нацыянальнай бібліятэкі.

Наступная лекцыя адбудзецца 5 снежня ў 15:00.

Чакаем вас!

Праграма “Гадзіны музыкі”

Уваход вольны (пры наяўнасці чытацкага білета або пропуску сацыякультурнага цэнтра).

Тэлефон для даведак: (8 017) 293 27 52.

Матэрыял прадастаўлены аддзелам абслугоўвання спецыялізаванымі фондамі.

Навіны

Як трусік Пітэр і Джамайма Крак стварылі першы кніжны мерч

11 Чэр 2021

Пра любое новае захапленне часта хочацца крычаць на ўвесь свет. Зачапіла кніга? Куплю закладкі з цытатамі! Спадабалася музычная група? Хутчэй, трэба купіць футболку з яе лагатыпам! Уразіў новы фільм? Ну, вы зразумелі ход думкі. Чым бы мы ні захапляліся, напэўна ў свеце ўжо ёсць падыходзячы мерч – вопратка, аксесуары і іншыя рэчы з сімволікай. Лічыцца, што эпоха мерчу пачалася з дыснееўскай Беласнежкі і выпуску лялек з галоўнай гераіняй, гномамі і добрымі звярамі-сябрамі. Але мала хто ведае, што першы сапраўдны мерчандайз быў... кніжным. Хвіліначку ўвагі, спадары і спадарыні: сёння мы паглядзім, як трусік Пітэр і Беатрыс Потэр сталі піянерамі ў гэтай няпростай справе і што з гэтага выйшла.

Аўтарскі погляд

Віртуальная чытальная зала НББ для публічных бібліятэк Мінскай вобласці: інфармацыйна-бібліятэчнае абслугоўванне карыстальнікаў у сучасных умовах

10 Чэр 2021

Нацыянальная бібліятэка працягвае серыю мерапрыемстваў, прысвечаных пытанням метадычнага забеспячэння работы публічных бібліятэк розных рэгіёнаў нашай краіны.

Навіны Нацыянальнай бібліятэкі Беларусі

Каштоўнае папаўненне фондаў Нацыянальнай бібліятэкі Беларусі

9 Чэр 2021

Фонды бібліятэкі ўвесь час папаўняюцца, але найбольшую цікавасць і каштоўнасць уяўляюць кнігі і экспанаты, якія трапляюць у галоўнае кнігасховішча краіны з уласных палічак саміх аўтараў ці іх нашчадкаў. Сёння мы рады прадставіць вам такое выданне.

Да 100-годдзя літаб'яднання "Маладняк"

Апублікаваныя відэаматэрыялы сімпозіума “Узаемадзеянне бібліятэк, выдавецтваў і кнігараспаўсюджвальнікаў у Расіі і свеце – вопыт і перспектывы”

9 Чэр 2021

У мерапрыемстве ўзялі ўдзел прадстаўнікі нацыянальных бібліятэк розных краін і спецыялісты выдавецкіх і кнігараспаспаўсюджвальных арганізацый.

Навіны Нацыянальнай бібліятэкі Беларусі

Бібліятэкарам
111