14 студзеня ў галерэі “Лабірынт” адбылася лекцыя-канцэрт “Насустрач ХХІ стагоддзю” з цыкла “Прагулкі скрозь стагоддзі”.
Два аддзяленні былі прысвечаны найбольш яркім і значным старонкам музычнага жыцця другой паловы XX стагоддзя. Прагучалі творы акадэмічных кампазітараў Д. Шастаковіча і А. Шнітке, кінакампазітараў і творцаў т.зв. “лёгкай музыкі” А. П’яцолы, Э. Марыконэ і інш.
Слухачы пазнаёміліся з вядомымі ўзорамі творчасці беларускіх кампазітараў Я. Глебава і У. Солтана (больш падрабязнае ўяўленне пра творчасць кампазітараў можна атрымаць, наведаўшы выставу “Думкі і настроі Уладзіміра Солтана” і зазірнуўшы ў электронную калекцыю бібліятэкі “Майстры беларускай культуры. Яўген Глебаў”).
Вядучая і лектар Маргарыта Рукевіч раскрыла для слухачоў разнастайнасць стылявых плыняў музыкі ХХ стагоддзя: санарыстыкі, мінімалізму, алеаторыкі і інш.
Чакаем усіх жадаючых 11 лютага ў 15.00 на наступным канцэрце “Музыка нашага часу”, дзе слухачы змогуць пазнаёміцца з творчасцю Дж. Уільямса, К. Яськова, Н. Хрушчовай і музыкай ХХІ стагоддзя ў кантэксце сусветнага мастацтва.
Тэлефон для даведак: (8 017) 293 27 52.
Матэрыял пададзены аддзелам абслугоўвання спецыялізаванымі фондамі.
