3 сакавіка а 16-й гадзіне ў галерэі “Лабірынт” (3-ці паверх) адбудзецца ўрачыстае адкрыццё мастацкай выстаўкі “Кветкавы рай VII”.
Фактычна, няма той творчай асобы, хто б не звяртаўся да вобраза кветкі ці то ў нацюрмортах, ці то ў пейзажах, а часта і ў паўабстрактных сімвалічных кампазіцыях. Прыгажосць гэтага стварэння прыроды нікога не пакідае абыякавым.
Багатую гаму пачуццяў, якія дораць нам кветкі, змогуць перажыць у пачатку вясны і мастакі, і гледачы ў галерэйна-выставачным комплексе Нацыянальнай бібліятэкі.
Правядзенне выстаўкі “Кветкавы рай” стала добрай традыцыяй. Праект арганізуецца ўжо сёмы раз. Сёлета яго ўдзельнікамі стануць жывапісцы, графікі і фотамастакі.
“Кветкавы рай” задумваўся як праект-віншаванне, каб напярэдадні веснавых святаў нагадаць гледачу пра хуткае абуджэнне прыроды. Кветкі прыўносяць у нашу штодзённасць радасць, пяшчоту і феерверк колераў. Яны, як і сапраўднае мастацтва, робяць наша жыццё ярчэйшым, святлейшым і крышачку больш шчаслівым.
Уваход на мерапрыемства – цэнтральны.
Тэлефоны для даведак: (8 017) 293 27 56, 293 28 33.
Е-mail: pr@nlb.by
Чытайце таксама: