У першы навучальны дзень складана ўседзець за партамі. Вучні гімназій горада Мінска прыехалі 2 верасня ў Нацыянальную бібліятэку, каб зрабіць займальны і цікавы старт вучобы. Сёння яны актыўна спазнавалі бібліятэку і кніжныя скарбы праз квест.
Квест “Кніжны лабірынт” – гэта творчая гульня-пошук у “лабірынце” бібліятэкі.
Заданні прыводзілі ўдзельнікаў да старажытных рукапісаў, “прынтара” XVI стагоддзя, магнацкай друкарні, мантыі Францыска Скарыны, кнігі каля вадаспаду… У музеі кнігі вучні пабачылі ўнікальныя выданні беларускіх і замежных друкароў. Вельмі ўразіла дзяцей навінка сучаснага кнігадруку – факсімільнае выданне Берасцейскай Бібліі.
На фота: вучні 8 “Б” і “В”класаў гімназіі № 4, 6 “Д” і 2 “Г” класаў гімназіі № 6 г. Мінска.
Матэрыял прадастаўлены навукова-даследчым аддзелам кнігазнаўства.
