ГалоўнаяНавіныНавіны Нацыянальнай бібліятэкі Беларусі
Выстаўка “Свет дыназаўраў”
Драма Першай сусветнай

Культурна-асветніцкі праект “Драма Першай сусветнай”

Культурна-асветніцкі праект “Драма Першай сусветнай”
Іншыя навіны

20 сакавіка ў Нацыянальнай бібліятэцы Беларусі адбылося культурна-асветніцкае мерапрыемства “Драма Першай сусветнай”, прысвечанае 100-годдзю з пачатку Першай сусветнай вайны.


Сто год мінула з пачатку трагедыі сусветнага маштабу. Першая сусветная вайна суправаджалася каласальнымі ахвярамі і засталася адной з самых драматычных падзей ХХ ст.

Вялікая колькасць мемуараў, кніг і даследаванняў напісана аб гэтай катастрофе. “Сёння мы маем магчымасць пазнаёміцца з кнігамі і першымі дакументамі таго часу, паглядзець на вайну вачамі сведак. Кнігі захоўваюць памяць, каб тыя, хто жыве зараз, змаглі атрымаць урок”, – адзначыў пад час адкрыцця праекта дырэктар Нацыянальнай бібліятэкі Беларусі Раман Матульскі.

Каля 500 навуковых і навукова-папулярных выданняў з фонду Нацыянальнай бібліятэкі Беларусі, што прысвечаны тэме Першай сусветнай вайны, прадстаўлена на выстаўцы “Драма Першай сусветнай”, якая размясцілася ў кальцавым калідоры на трэцім паверсе бібліятэкі. Акрамя кніг, экспазіцыя змяшчае арыгінальныя паштоўкі з калекцыі вядомага ў Беларусі філакартыста, лаўрэата прэміі Прэзідэнта Рэспублікі Беларусь “За духоўнае адраджэнне” Уладзіміра Ліхадзедава.

Пад час мерапрыемства аўтар расказаў не толькі пра сваю калекцыю, але і пра кнігу з серыі “У пошуках страчанага” – “Беларусь праз фотааб’ектыў нямецкага салдата. 1915–1918”, якую ўручыў дырэктару Нацыянальнай бібліятэкі Беларусі Раману Матульскаму і Надзвычайнаму і Паўнамоцнаму Паслу Федэратыўнай Рэспублікі Германія ў Рэспубліцы Беларусь Вольфраму Маасу.

З падарункамі для Нацыянальнай бібліятэкі завітаў на мерапрыемства і старшыня праўлення дабрачыннага культурна-гістарычнага фонду памяці Першай сусветнай вайны “Крокi”, тэлевядучы і журналіст Вячаслаў Бандарэнка. Дзякуючы яму фонд бібліятэкі папоўніўся дзвюма дзіцячымі выданнямі пра Першую сусветную вайну.

Праграма культурна-асветніцкага праекта таксама ўключала прэзентацыі дзвюх кніг выдавецтва “Беларусь”. Гэта выданне Валянціны Бялявінай “Беларусь в годы Первой мировой войны” і кніга Нацыянальнага гістарычнага архіва Рэспублікі Беларусь “Беларусь в годы Первой мировой войны. Документы”.

Да 100-годдзя пачатку Першай сусветнай вайны Нацыянальнай бібліятэкай Беларусі падрыхтаваны таксама культурна-асветніцкі праект "Перазвон стагоддзяў" і віртуальны праект "Беларусь у Першай сусветнай".

Навіны

Магчымасці выкарыстання віртуальнай чытальнай залы Нацыянальнай бібліятэкі прадстаўлены ў Брэсцкім дзяржаўным універсітэце

27 Лют 2020

26 лютага ў Брэсцкім дзяржаўным універсітэце імя А.С. Пушкіна прайшоў семінар "Сучасныя падыходы да павышэння эфектыўнасці інфармацыйнага забеспячэння навуковай і адукацыйнай дзейнасці".

Навіны Нацыянальнай бібліятэкі Беларусі

Семінар віртуальнай чытальнай залы Нацыянальнай бібліятэкі Беларусі ў Беларускім дзяржаўным універсітэце

27 Лют 2020

26 лютага ў Беларускім дзяржаўным універсітэце прайшоў семінар “Публікацыйная стратэгія вучонага”. Мерапрыемства было арганізавана БДУ сумесна з Нацыянальнай бібліятэкай Беларусі і кампаніяй Clarivate Analytics.

Навіны Нацыянальнай бібліятэкі Беларусі

Лекцыя “Ад «Маладняка» да «Маладосці»”

27 Лют 2020

26 лютага на факультэце сацыякультурных камунікацый Беларускага дзяржаўнага ўніверсітэта пры кафедры тэорыі і практыкі перакладу ў рамках рэспубліканскага праекта “На хвалі часу, у плыні жыцця” адбылася лекцыя “Ад «Маладняка» да «Маладосці»”.

Навіны Нацыянальнай бібліятэкі Беларусі

Эпізоды мастацкага жыцця Віцебска на старонках газет

27 Лют 2020

Пры ўсіх неадназначных працэсах, якія адбываліся на тэрыторыі Беларусі ў палітычнай, духоўнай і культурнай сферах у 1917–1922 гг., ішлі станаўленне беларускага нацыянальнага выяўленчага мастацтва і фарміраванне шматнацыянальнай групы мастакоў.

Праект “Сведкі эпохі: Беларусь на старонках газет 100-гадовай даўніны”

Кансервацыя папяровых дакументаў: сучасны стан, тэндэнцыі развіцця – абмяркоўваем разам

26 Лют 2020

25 лютага на базе аддзела рэстаўрацыі і кансервацыі бібліятэчных дакументаў Нацыянальнай бібліятэкі Беларусі адбыўся вэбінар на тэму “Кансервацыя папяровых дакументаў: сучасны стан, тэндэнцыі развіцця” для абласных бібліятэк.

Навіны Нацыянальнай бібліятэкі Беларусі

Семінар віртуальнай чытальнай залы ў БДУІР

26 Лют 2020

25 лютага пасля семінара ў Нацыянальнай бібліятэцы Беларусі электронная платформа Web of Science і рэсурсы віртуальнай чытальнай залы былі прадстаўлены ў Беларускім дзяржаўным універсітэце інфарматыкі і радыёэлектронікі.

Навіны Нацыянальнай бібліятэкі Беларусі

Даследчык спадчыны Францішка Багушэвіча

26 Лют 2020

Літаратуразнавец Уладзімір Ільіч Содаль кіраваў тэлестудыяй “Ліцэй”, вёў перадачу “ Роднае слова”, яго пяру належаць кнігі і альбомы, якія адкрывалі невядомыя старонкі жыцця нашых літаратурных класікаў, радавалі і ўсцешвалі чытачоў.

Навіны бібліятэк

111