26 красавіка а 14-й гадзіне ў атрыуме (2-гі паверх) адбудзецца культурна-асветніцкая акцыя “Крок у будучыню”, прысвечаная Сусветнаму дню кнігі і аўтарскага права.
Ініцыятарамі і арганізатарамі правядзення культурна-асветніцкай акцыі з’яўляюцца Нацыянальная бібліятэка Беларусі, Нацыянальны цэнтр інтэлектуальнай уласнасці, Савет бібліятэк Беларусі па інфармацыйным узаемадзеянні.
У рамках акцыі будзе вызначана лепшая бібліятэка нашай краіны ў галіне арганізацыі дзейнасці ў сферы аховы аўтарскіх праў, адбудзецца ўзнагароджанне пераможцаў конкурсу студэнцкіх работ у сферы інтэлектуальнай уласнасці.
Да ўвагі гасцей будзе прапанавана кніжная выстаўка "Моладзь Беларусі – інтэлектуальны патэнцыял краіны", на якой прадстаўлены сучасныя кнігі і перыядычныя выданні, што змяшчаюць навуковыя артыкулы маладых вучоных па пытаннях інтэлектуальнай уласнасці і аўтарскага права.
У мерапрыемстве возьмуць удзел прадстаўнікі Нацыянальнага схода Рэспублікі Беларусь, ЮНЕСКА, Нацыянальнага цэнтра заканадаўства і прававых даследаванняў, кіраўнікі бібліятэк і іншых устаноў культуры і адукацыі нашай краіны.
Вакальная група “Чысты голас” выканае творы з новага музычнага цыкла кампазітара Алега Моўчана на вершы знакамітага класіка нацыянальнай літаратуры Янкі Купалы.
Тэлефоны для даведак: (8 017) 293 27 67, 293 27 45.
Е-mail: pr@nlb.by
