ГалоўнаяНавіныНавіны Нацыянальнай бібліятэкі Беларусі
Cемінар “Рэсурсы адкрытага доступу і інтэгрыраваныя пошукавыя сэрвісы: прымяненне ў навукова-адукацыйнай дзейнасці”
Экскурсія “Помнім боль і страты твае, Беларусь…” па творах ваеннай тэматыкі Івана Шамякіна

Крыніца айчыннай гісторыі: у бібліятэцы прэзентаваны альбом “Напалеон Орда” (+відэа)

Крыніца айчыннай гісторыі: у бібліятэцы прэзентаваны альбом “Напалеон Орда” (+відэа)
Іншыя навіны

20 красавіка ў бібліятэцы адбылася прэзентацыя альбома гравюр аднаго з самых вядомых майстраў архітэктурнага пейзажа Напалеона Орды.

Напалеон Орда (1807–1883) – знакаміты мастак, кампазітар, піяніст, педагог і грамадскі дзеяч. Яго творы адрозніваюцца строгай дакументальнасцю, з’яўляюцца найкаштоўнейшай крыніцай вывучэння айчыннай гісторыі і архітэктуры, бо большасць  адлюстраваных аб’ектаў страчаны або маюць іншы выгляд. Сярод акварэляў і графічных прац  майстра больш за 200 адлюстроўваюць беларускія мясціны. Самая вялікая айчынная калекцыя літаграфій з малюнкаў Напалеона Орды захоўваецца ў Нацыянальнай бібліятэцы Беларусі.

З шэрагу запатрабаваных выданняў, прысвечаных асобе мастака, вылучаецца альбом “Напалеон Орда”, які быў створаны ў 2020 годзе ў выніку супрацоўніцтва Нацыянальнай бібліятэкі і выдавецтва “Беларусь”. У выданні апублікаваны 190 гравюр з выявамі беларускіх архітэктурных помнікаў, палацаў і мястэчак ХІХ ст. Максімальна поўна прадстаўлены краявіды Гродзенскай, Віцебскай, Мінскай і Магілёўскай губерняў, а таксама архітэктурныя помнікі Польшчы, Літвы, Латвіі, Украіны і Румыніі з калекцыі бібліятэкі.

Выданне адзначана дыпломам пераможцы і знакам-сімвалам “Малы залаты фаліянт” у намінацыі “За ўклад у захаванне гісторыка-культурнай спадчыны” LX Нацыянальнага конкурсу “Мастацтва кнігі”

У прэзентацыі прынялі ўдзел генеральны дырэктар Нацыянальнай бібліятэкі Беларусі Раман Матульскі, намеснік генеральнага дырэктара НББ, аўтар уступнага артыкула і складальнік альбома Аляксандр Суша, дырэктар выдавецтва “Беларусь” Сяргей Пешын, вядучы навуковы супрацоўнік Нацыянальнага мастацкага музея Рэспублікі Беларусь Юлія Лісай.

 У межах мерапрыемства адбылося знаёмства з унікальным альбомам і выстаўкай-праглядам выданняў, прысвечаных Напалеону Ордзе як майстру архітэктурнага пейзажа, а таксама з альбомамі малюнкаў і гравюр відарысаў Беларусі і іншых краін. Дапоўнілі выстаўку арыгінальныя лінагравюры мастака з калекцыі Нацыянальнай бібліятэкі.

Пранікнуцца душэўнай атмасферай вечара прысутным дапамаглі вучні Дзіцячай музыкальнай школы мастацтваў № 15 г. Мінска. Адрыяна Сізаненка і Эмір Ніса выканалі паланэзы Напалеона Орды.

Матэрыял пададзены аддзелам сувязей з грамадскасцю.

Навіны

Як трусік Пітэр і Джамайма Крак стварылі першы кніжны мерч

11 Чэр 2021

Пра любое новае захапленне часта хочацца крычаць на ўвесь свет. Зачапіла кніга? Куплю закладкі з цытатамі! Спадабалася музычная група? Хутчэй, трэба купіць футболку з яе лагатыпам! Уразіў новы фільм? Ну, вы зразумелі ход думкі. Чым бы мы ні захапляліся, напэўна ў свеце ўжо ёсць падыходзячы мерч – вопратка, аксесуары і іншыя рэчы з сімволікай. Лічыцца, што эпоха мерчу пачалася з дыснееўскай Беласнежкі і выпуску лялек з галоўнай гераіняй, гномамі і добрымі звярамі-сябрамі. Але мала хто ведае, што першы сапраўдны мерчандайз быў... кніжным. Хвіліначку ўвагі, спадары і спадарыні: сёння мы паглядзім, як трусік Пітэр і Беатрыс Потэр сталі піянерамі ў гэтай няпростай справе і што з гэтага выйшла.

Аўтарскі погляд

Віртуальная чытальная зала НББ для публічных бібліятэк Мінскай вобласці: інфармацыйна-бібліятэчнае абслугоўванне карыстальнікаў у сучасных умовах

10 Чэр 2021

Нацыянальная бібліятэка працягвае серыю мерапрыемстваў, прысвечаных пытанням метадычнага забеспячэння работы публічных бібліятэк розных рэгіёнаў нашай краіны.

Навіны Нацыянальнай бібліятэкі Беларусі

Каштоўнае папаўненне фондаў Нацыянальнай бібліятэкі Беларусі

9 Чэр 2021

Фонды бібліятэкі ўвесь час папаўняюцца, але найбольшую цікавасць і каштоўнасць уяўляюць кнігі і экспанаты, якія трапляюць у галоўнае кнігасховішча краіны з уласных палічак саміх аўтараў ці іх нашчадкаў. Сёння мы рады прадставіць вам такое выданне.

Да 100-годдзя літаб'яднання "Маладняк"

Апублікаваныя відэаматэрыялы сімпозіума “Узаемадзеянне бібліятэк, выдавецтваў і кнігараспаўсюджвальнікаў у Расіі і свеце – вопыт і перспектывы”

9 Чэр 2021

У мерапрыемстве ўзялі ўдзел прадстаўнікі нацыянальных бібліятэк розных краін і спецыялісты выдавецкіх і кнігараспаспаўсюджвальных арганізацый.

Навіны Нацыянальнай бібліятэкі Беларусі

Бібліятэкарам
111