ГалоўнаяНавіныНацыянальная бібліятэка Беларусі
Семінар па ЭІР для навукі і адукацыі
Розныя культуры – агульныя каштоўнасці: падведзены вынікі фотаконкурсу “Беларусь і Кітай маімі вачыма”

Круглы стол у рамках Года малой радзімы

Круглы стол у рамках Года малой радзімы
Іншыя навіны

11 красавіка супрацоўнікі Нацыянальнай бібліятэкі Беларусі прынялі ўдзел у рабоце круглага стала “Нацыянальныя інфармацыйныя рэсурсы: Віцебшчына ўчора і сёння”, арганізаванага ў рамках Года малой радзімы Віцебскай абласной бібліятэкай імя У.І. Леніна.

Сярод удзельнікаў і гасцей мерапрыемства былі прадстаўнікі бібліятэк, музеяў, краязнаўчай супольнасці Віцебска.

З боку гаспадароў мерапрыемства з прывітальным словам звярнулася Т.М. Адамян, дырэктар Віцебскай абласной бібліятэкі, прагучалі выступленні вядомых віцебскіх гісторыкаў і краязнаўцаў А.М. Падліпскага, М.В. Півавара, Л.У. Хмяльніцкай, а таксама супрацоўніцы Віцебскага абласнога краязнаўчага музея А.Л. Дудкі.

Намеснік дырэктара Нацыянальнай бібліятэкі Беларусі Т.В. Кузьмініч расказала аб праблемах і перспектывах узаемадзеяння бібліятэк, архіваў і музеяў Беларусі ў справе стварэння нацыянальных інфармацыйных рэсурсаў. І.У. Градоўкіна, загадчыца навукова-даследчага аддзела бібліяграфіі, выступіла з паведамленнем “Віцебшчына ў люстэрку дзейнасці Нацыянальнай бібліятэкі Беларусі па бібліяграфічным і віртуальным узнаўленні беларускай дакументнай спадчыны”. Загадчыца сектара краязнаўства і праектнай работы А.В. Ганчарова прэзентавала новы віртуальны праект пад рабочай назвай “Беларусь у фотаздымках”, які плануецца прадставіць у бягучым годзе на інтэрнэт-партале Нацыянальнай бібліятэкі, і запрасіла ўсіх зацікаўленых да супрацоўніцтва.

Адбыўся карысны і канструктыўны абмен меркаваннямі па пытаннях краязнаўчай дзейнасці, сумесных намаганняў па захаванні, аднаўленні і папулярызацыі беларускай гісторыка-культурнай спадчыны.

Круглы стол у Віцебску стаў своеасаблівым працягам сацыякультурнага мерапрыемства “Інфармацыйныя скарбы зямлі беларускай. Віцебшчына”, які распачаў 25 студзеня 2018 г. вялікі цыкл мерапрыемстваў, запланаваных Нацыянальнай бібліятэкай Беларусі для знаёмства з інфармацыйнай спадчынай рэгіёнаў краіны і прэзентацыі сумесных праектаў.


Каментарыі карыстальнікаў:

Каментаванне даступна толькі зарэгістраваным карыстальнікам

Навіны

“Вар’ят”-перакладчык

22 Ліп 2018

Цяжка знайсці чалавека, які ні разу не чуў пра выдатнага французскага філосафа-асветніка XVIII стагоддзя Вальтэра. Таксама шмат хто ведае, што сапраўднае імя філосафа было Франсуа-Мары-Аруэ. Але малавядомы той факт, што ў яго было больш за 160 псеўданімаў!

Навіны бібліятэк

Востры тэмперамент Бярозкіна

21 Ліп 2018

Рыгор Бярозкін, якому ў гэтым месяцы споўнілася б сто гадоў, захапляўся паэзіяй Уладзіміра Маякоўскага. Яго з’едліва-змястоўнай рэзкасцю, адсутнасцю ўнутранага і вонкавага спакою, балансаваннем на мяжы кепскага густу і дзівоснай метафарыстыкі, нечакана вострым адчуваннем таго, што перад табой не верш, а... баксёрскі двубой, калі словы, вобразы, гукі, сказы б’юць па слыху і гусце чытача, як удары на рынгу.

Навіны бібліятэк

Рэйтынгі ад “Белкнігі”: творы на беларускай мове

19 Ліп 2018

У краіне працуе больш за 100 кнігарняў у сістэме дзяржаўнага кнігагандлю – крамы “Белкнігі”. Па кварталах і паўгоддзях распаўсюджвальнікі кніжнай прадукцыі вядуць рэйтынгі продажу: літаратуры замежнай і беларускай вытворчасці; літаратуры вытворчасці Рэспублікі Беларусь, якая прадаецца ў “Белкнізе”; літаратуры на беларускай мове.

Навіны бібліятэк

Ад Грушаўкі да Эйфелевай вежы: падарожжа па кнізе Таццяны Мушынскай

19 Ліп 2018

Працоўнае месца пісьменніка – стол з камп’ютарам. Менавіта такі вобраз паўстае ва ўяўленні большасці сучасных людзей. Ці ўсе пры гэтым разумеюць, што сюжэт ствараецца не падчас «прабежак» пальцаў па клавіятуры. Ён можа спець гадамі, нават дзесяцігоддзямі, складацца з дробных аскепачкаў жыццёвага досведу, успамінаў дзяцінства, пачуццяў, эмоцый, уражанняў… Часам з усяго гэтага вырастае квяцістае дрэва рамана ці аповесці. Часам кожны сюжэт прарастае асобнай раслінай, і пісьменнік апынаецца ў вялікім «садзе сваіх успамінаў». Як, напрыклад, Таццяна Мушынская.

Навіны бібліятэк

Моладзевы летнік на радзіме Васіля Быкава

22 Ліп 2018

14–19 жніўня ў Бычках – на радзіме Васіля Быкава – пройдзе моладзевы летнік “Брэнд беларускай культуры”, на які запрашаецца моладзь ад 18 да 30 гадоў. Удзельнікі змогуць сумясціць адпачынак, нефармальнае навучанне на свежым паветры ды працу па ўладкаванні тэрыторыі каля дома-музея пісьменніка.

Навіны бібліятэк