ГалоўнаяНавіныНавіны Нацыянальнай бібліятэкі Беларусі
Сталічнае жыццё паэта
Віншаванні ў Дзень бібліятэк

Круглы стол да 20-годдзя часопіса "Бібліятэчны свет"

Круглы стол да 20-годдзя часопіса "Бібліятэчны свет"
Іншыя навіны

16 верасня ў бібліятэцы адбыўся міжнародны круглы стол "Прафесійныя СМІ і іх уплыў на прафесійныя кампетэнцыі: да 20-годдзя часопіса «Бібліятэчны свет»".


На юбілейным мерапрыемстве сабраліся прадстаўнікі міністэрстваў культуры, інфармацыі і адукацыі, Цэнтральнага камітэта прафсаюза работнікаў культуры, інфармацыі, спорту і турызму, кіраўнікі найбуйнейшых бібліятэк краіны, прадстаўнікі замежных і айчынных прафесійных СМІ, а таксама партнёры часопіса.

Удзельнікаў пасяджэння віталі намеснік міністра культуры Рэспублікі Беларусь Васіль Чэрнік, намеснік міністра інфармацыі Рэспублікі Беларусь Уладзімір Матусевіч, старшыня Цэнтральнага камітэта прафсаюза работнікаў культуры, інфармацыі, спорту і турызму Наталля Аўдзеева, прадстаўнік Беларускага фонду культуры Тадэвуш Стружэцкі, першы сакратар па пытаннях інфармацыі, адукацыі і культуры пасольства Злучаных Штатаў Амерыкі Рыма Койлер, дырэктар Нацыянальнай бібліятэкі Беларусі Раман Матульскі і мадэратар круглага стала, галоўны рэдактар часопіса "Бібліятэчны свет" Людміла Кірухіна.

Спецыялісты абмеркавалі пытанні, якія тычацца дзейнасці сучасных сродкаў масавай інфармацыі, мэдыятэхналогій, моўнай культуры публікацый, і шэраг іншых актуальных праблем.

З дакладамі выступілі намеснік загадчыка аддзела перыядычных выданняў Расійскай дзяржаўнай бібліятэкі, адказны сакратар часопісаў "Обсерватория культуры", "Библиотековедение", "Вестник БАЕ" Кацярына Шыбаева, галоўны рэдактар часопіса "Школьная библиотека: сегодня и завтра" Таццяна Дрыжова, загадчык аддзела Бярэзінскай цэнтральнай бібліятэкі Тамара Круталевіч і метадыст Салігорскай цэнтральнай бібліятэкі Юлія Саенка.

У абмеркаванні пытанняў далейшай стратэгіі развіцця часопіса "Бібліятэчны свет" актыўны ўдзел прынялі дырэктар Рэспубліканскай навукова-тэхнічнай бібліятэкі Раіса Сухарукава, дэкан факультэта бібліятэчна-інфармацыйных сістэм Беларускага дзяржаўнага ўніверсітэта культуры і мастацтваў Мікалай Яцэвіч, намеснік дырэктара бібліятэкі Беларускага нацыянальнага тэхнічнага ўніверсітэта Іна Юрык.

Вынікі работы падвёў старшыня рэдакцыйнай калегіі часопіса "Бібліятэчны свет" Раман Матульскі.

Навіны

Відэаўрок па асновах пошуку ў вэб-каталогу Нацыянальнай бібліятэкі Беларусі

12 Ліс 2019

Анлайн-каталог Нацыянальнай бібліятэкі Беларусі – самы наведвальны і запатрабаваны інфармацыйны рэсурс бібліятэкі. Гэта платформа для пошуку дакументаў з фондаў бібліятэкі, ліцэнзійных баз даных і інфармацыйных рэсурсаў адкрытага доступу.

Навіны Нацыянальнай бібліятэкі Беларусі

Перамагчы дыябет!

13 Ліс 2019

З 13 лістапада па 18 снежня ў зале дакументаў міжнародных арганізацый (пам. 207g) працуе тэматычная кніжная выстаўка “Перамагчы дыябет!”, прысвечаная Сусветнаму дню барацьбы з дыябетам.

Кніжныя выстаўкі

Спектакль у бібліятэцы: малышам паказалі казку пра сапраўднае сяброўства

6 Ліс 2019

“Як забавіць дзіця на канікулах?” – думаюць выхавальнікі, настаўнікі і бацькі школьнікаў. Але пастаянных гасцей Нацыянальнай бібліятэкі Беларусі не турбуе гэтае пытанне. Яны ведаюць, што іх малышэй чакаюць займальныя спектаклі ў нашай канферэнц-зале.

Навіны Нацыянальнай бібліятэкі Беларусі

111