Бібліятэкі Рэспублікі Беларусь, якія актыўна выкарыстоўваюць у сваёй дзейнасці інавацыйныя рашэнні на аснове сучасных інфармацыйна-камунікацыйных тэхналогій (ІКТ), могуць прыняць удзел у конкурсе і атрымаць прыз.
Савет бібліятэк Беларусі па інфармацыйным узаемадзеянні пры Нацыянальнай бібліятэцы Беларусі, на базе якога функцыянуе віртуальная чытальная зала, актыўна супрацоўнічае з міжнародным кансорцыумам EIFL (Electronic Information for Libraries). Інавацыйная праграма для публічных бібліятэк (Public Library Innovation Programme (PLIP)) кансорцыума EIFL запрашае прыняць удзел у новым конкурсе на эфектыўнае выкарыстанне інавацыйных тэхналогій у бібліятэчнай дзейнасці.
Запрашэнне прызначана для публічных бібліятэк, зацікаўленых у паляпшэнні якасці жыцця людзей і рашэнні задач у рамках Праграмы ўстойлівага развіцця ААН да 2030 года.
Фінальны тэрмін падачы заявак – 5 снежня 2018 г.
Прымаюцца заяўкі на рускай мове.
Больш падрабязная інфармацыя прадстаўлена тут.