10 жніўня ў дзіцячым пакоі адбыўся майстар-клас па ніткаграфіі “Колеры вясёлкі”.
Падчас заняткаў дзеці пазнаёміліся з цікавай тэхнікай малявання – ніткаграфіяй. Гэта дзіўнае мастацтва можна параўнаць з маляваннем карцін, з той толькі розніцай, што замест фарбаў выкарыстоўваюцца ніткі.
Кожны з маленькіх творцаў увасобіў свой непаўторны сюжэт у створаных пры дапамозе нітак, клею і кардону карцінах. А самі працы, выкананыя ў тэхніцы ніткаграфіі, атрымаліся вельмі яркімі і маляўнічымі.
Дзеці ўдзельнічалі ў творчым працэсе з непрыхаваным задавальненнем і атрымалі шмат уражанняў і карысных навыкаў.
 |
 |
 |
