ГалоўнаяНавіныНавіны Нацыянальнай бібліятэкі Беларусі
Асоба Францыска Скарыны стала адным з сімвалаў Беларусі
Кніга-потхі для "кніжных прафесараў"

Кніжныя помнікі ў бібліятэцы і музеі: спецыфіка захавання і выкарыстання

Кніжныя помнікі ў бібліятэцы і музеі: спецыфіка захавання і выкарыстання
Іншыя навіны

20 снежня ў Гродзенскай абласной навуковай бібліятэцы імя Я.Ф. Карскага адбыўся навукова-практычны семінар “Кніжныя помнікі ў бібліятэцы і музеі: спецыфіка захавання і выкарыстання”.


Арганізатарамі мерапрыемства выступілі Нацыянальная бібліятэка Беларусі, галоўнае ўпраўленне ідэалагічнай работы, культуры і па справах моладзі Гродзенскага аблвыканкама і Гродзенская абласная навуковая бібліятэка імя Я.Ф. Карскага.

У прывітальным слове Лідзія Мальцава, дырэктар Гродзенскай абласной навуковай бібліятэкі імя Я.Ф. Карскага, падкрэсліла актуальнасць і важнасць тэмы семінара, які аб’яднаў шматлікіх зацікаўленых спецыялістаў бібліятэк і музеяў вобласці. Марына Ігнатовіч, намеснік дырэктара, азнаёміла са структурай і асноўнымі кірункамі дзейнасці абласной навуковай бібліятэкі.

З дакладамі на семінары выступілі спецыялісты Нацыянальнай бібліятэкі Беларусі: загадчыца навукова-даследчага аддзела кнігазнаўства Галіна Кірэева (“Нацыянальны фонд кніжных помнікаў Беларусі як гісторыка-культурная спадчына”), галоўны бібліёграф аддзела Таццяна Карнілава (“Асаблівасці апісання беларускіх кірылічных старадрукаў”), загадчыца сектара навукова-праектнай работы Таццяна Сапега, (“Праектная дзейнасць як перспектыўны кірунак даследавання і папулярызацыі кніжнай спадчыны”).

Прагучалі таксама даклады Людмілы Каранкевіч, галоўнага бібліёграфа аддзела краязнаўства Гродзенскай абласной навуковай бібліятэкі (“Калекцыя рэдкіх выданняў з фонду ДУК “Гродзенская абласная навуковая бібліятэка імя Я.Ф. Карскага”), і Алесі Саўчук, намесніка дырэктара па навуковай рабоце Гродзенскага дзяржаўнага гісторыка-археалагічнага музея (“Кнігазбор Гродзенскага гісторыка-археалагічнага музея: гісторыя фарміравання, даследавання, выкарыстання ў выставачнай дзейнасці”).

У рамках мерапрыемства адбылося ўрачыстае адкрыццё прымеркаванай да 500-годдзя беларускага кнігадрукавання выстаўкі кніжных помнікаў са збораў Гродзенскай епархіі “Мудрость обретаем от словес книжных”. На адкрыцці выступілі Лілія Хадароўская, загадчыца аддзела мастацтва Гродзенскай абласной навуковай бібліятэкі, протаіерэй Георгій Рой, настаяцель Свята-Пакроўскага кафедральнага сабора г. Гродна, Святлана Сілава, кандыдат гістарычных навук, дацэнт кафедры гісторыі Беларусі, археалогіі і спецыяльных гістарычных дысцыплін Гродзенскага дзяржаўнага ўніверсітэта імя Янкі Купалы, а таксама Галіна Кірэева.

У рамках візіту спецыялісты Нацыянальнай бібліятэкі Беларусі азнаёміліся з экспазіцыямі Гродзенскага дзяржаўнага гісторыка-археалагічнага музея і Гродзенскага дзяржаўнага музея гісторыі рэлігіі.

Навіны

Ля Кургана Славы адбылося ўрачыстае ўскладанне кветак

6 Май 2021

У Нацыянальнай бібліятэцы Беларусі склалася асаблівая традыцыя: напярэдадні Дня Перамогі шанаваць памяць загінуўшых, ускладаючы ад імя ўсіх супрацоўнікаў кветкі да манументаў Перамогі, аддаючы даніну глыбокай павагі ўсім пакаленням абаронцаў Айчыны.

Навіны Нацыянальнай бібліятэкі Беларусі

Рэсурсы адкрытага доступу і інтэгрыраваныя пошукавыя сэрвісы: прымяненне ў навукова-адукацыйнай дзейнасці

6 Май 2021

5 мая ў Нацыянальнай бібліятэцы Беларусі пры падтрымцы выдавецтва Springer Nature адбыўся анлайн-семінар, прысвечаны развіццю ініцыятывы адкрытай навукі.

Навіны Нацыянальнай бібліятэкі Беларусі

Памяці загінуўшых будзем вартыя!

6 Май 2021

6 сакавіка ў бібліятэцы адбылася ўрачыстая акцыя-свята “Памяці загінуўшых будзем вартыя!”, прымеркаваная да Дня Перамогі. Арганізатарамі выступілі Першамайская раённая г. Мінска арганізацыя РГА “Белая Русь” і Нацыянальная бібліятэка Беларусі.

Навіны Нацыянальнай бібліятэкі Беларусі

6 Май 2021

Новы, 22-і па ліку, том серыі «Залатая калекцыя беларускай літаратуры», прысвечаны творчасці Івана Шамякіна, дае нам унікальную магчымасць. Чытаючы творы класікаў, мы часта гадаем наконт прататыпаў, таго, якія рэальныя падзеі з біяграфіі аўтара адбіліся ў тэксце. Тут аб'яднаныя мастацкі твор па матывах аўтабіяграфіі і дакументальны, дзе выкладзены сапраўдныя падзеі, якія ляглі ў аснову мастацкага твора. Гаворка пра пенталогію «Трывожнае шчасце», якая прынесла маладому Шамякіну славу, і аповесць «Слаўся, Марыя!».

Навіны бібліятэк

6 Май 2021

Знакамітую ваенную драму і адзін з самых моцных фільмаў пра вайну “Ідзі і глядзі” Элема Клімава пакажуць у мінскіх кінатэатрах паўторна. Сеансы пройдуць у кінатэатрах “Мір”, “Ракета” і “Цэнтральны” 6, 8 і 9 мая.

Навіны бібліятэк

“Помнім боль і страты твае, Беларусь…” – экскурсія да Дня Перамогі

5 Май 2021

4 мая, напярэдадні Дня Перамогі, экскурсію з цыкла “Славутыя імёны Бацькаўшчыны”, прысвечаную творчасці перыяду Вялікай Айчыннай вайны А. Куляшова, М. Танка, П. Панчанкі, наведалі навучэнцы Мінскага дзяржаўнага прафесіянальна-тэхнічнага каледжа дэкаратыўна-прыкладнога мастацтва імя М.А. Кедышкі.

Навіны Нацыянальнай бібліятэкі Беларусі

Жывая памяць аб гераізме народа: літаратурна-асветніцкае мерапрыемства “Радкі памяці”

5 Май 2021

5 мая, напярэдадні знакавага свята – Дня Перамогі, у Нацыянальнай бібліятэцы адбылося літаратурна-асветніцкае мерапрыемства “Радкі памяці”, у рамках якога была ўрачыста адкрыта кніжная выстаўка “Вялікая Айчынная вайна ў творах мастацкай літаратуры”.

Навіны Нацыянальнай бібліятэкі Беларусі

Вельмі кароткая гісторыя бітнікаў

5 Май 2021

60 гадоў таму на паэтычнай вечарыне ў Town Hall Theatre ў Берклі са сцэны быў прачытаны верш, які змяніў амерыканскую літаратуру, а потым і ўвесь свет – “Вой” Алена Гінзберга. Але ці патрэбна прычына, каб напісаць пра гэты вельмі важны перыяд ў літаратуры? Час бітнікаў не толькі зрабіў сучасную паэзію такой, якой мы яе бачым, але паўплываў нават на музыку. Сёння мы паглядзім на гісторыю біт-пакалення – у датах, ліках, асобах і самых важных аспектах. Коратка і па справе.

Аўтарскі погляд

Бібліятэкарам
111