ГалоўнаяНавіныНавіны Нацыянальнай бібліятэкі Беларусі
Цэлы свет – дзецям
І цуд адбудзецца!.. Музыка Каляд і Новага года

Кніжныя фонды Радзівілаў у Нясвіжы. Стан даследаванняў рэканструкцыі фондаў

Кніжныя фонды Радзівілаў у Нясвіжы. Стан даследаванняў рэканструкцыі фондаў
Іншыя навіны

13-14 снежня 2007 года ў Варшаве (Рэспубліка Польшча) адбылася Міжнародная навуковая канферэнцыя "Кніжныя фонды Радзівілаў у Нясвіжы. Стан даследаванняў рэканструкцыі фондаў", арганізаваная Нацыянальнай бібліятэкай у Варшаве і Міністэрствам культуры і мастацтваў Рэспублікі Польшча.



У рабоце канферэнцыі прынялі ўдзел бібліятэчныя і архіўныя спецыялісты і навукоўцы з Беларусі, Літвы, Расіі і Польшчы. Канферэнцыя праходзіла ў Нацыянальнай бібліятэцы ў Варшаве. Адкрылі канферэнцыю Т. Макоўскі, дырэктар Нацыянальнай бібліятэкі ў Варшаве і З.Ярашэвіч-Пераслаўцаў, прафесар, дырэктар Інстытута гісторыі міжнародных даследаванняў Вармінска-Мазурскага універсітэта ў Ольштыне. Праграма канферэнцыі складалася з 4-х сесій. З дакладамі, прысвечанымі рабоце з кніжнымі і архіўнымі зборамі Радзівілаў, выступілі 17 чалавек.

Намеснік дырэктара па навуковай рабоце і сувязям з грамадскасцю Нацыянальнай бібліятэкі Беларусі Л.Г. Кірухіна выступіла з дакладам "Radziviliana: стратэгія рэканструкцыі кніжнага збору ў Беларусі"; заг. навукова-даследчага аддзела кнігазнаўства Г.У. Кірэева - "Кнігі з нясвіжскага збору Радзівілаў у фондах Нацыянальнай бібліятэкі Беларусі".

У дакладах і выступленнях удзельнікаў канферэнцыі былі разгледжаны тэарэтычныя пытанні,акрэслены праблемы і перспектывы, асноўныя напрамкі работы па рэканструкцыі кніжнага збору Радзівілаў. Былі таксама прадстаўлены даклады, прысвечаныя практычнай рабоце з фондамі ў розных бібліятэках і ўстановах, праблемам выяўлення і атрыбутавання кніг з калекцый Радзівілаў. У іх змяшчалася інфармацыя аб знаходжанні тых або іншых дакументаў ці асобных помнікаў у фондах бібліятэк і архіваў.

Усе ўдзельнікі адзначылі ў сваіх выступленнях, што стварэнне агульнага рэестра кніжных збораў Радзівілаў з’яўляецца перспектыўным напрамкам работы бібліятэк. Гэта праграма доўгачасовая, патрабуе як добрых спецыялістаў, так і адпаведнага тэхнічнага абсталявання, новых метадычных прынцыпаў навуковага апісання кніг на аснове новых тэхналогій: распрацоўку адзіных крытэрыяў прадстаўлення інфармацыі, магчымасцей канвертавання запісаў.

Напрыканцы канферэнцыі адбылася дыскусія па найбольш значных і праблемных пытаннях рэканструкцыі нясвіжскай бібліятэкі, шляхах рашэння праблем намаганнямі ўсіх бібліятэк і ўстаноў, якія ў сваіх фондах захоўваюць кнігі з распыленых збораў Радзівілаў, выпрацоўкі агульных падыходаў да методыкі прадстаўлення бібліяграфічнага запісу, стварэння электроннай бібліятэкі.

Рэалізацыя нацыянальнага праекта "Radziviliana" прывяла да разумення неабходнасці стварэння мегапраекта з удзелам краін, у якіх захоўваюцца часткі радзівілаўскай дакументальнай спадчыны.

Пасольства Рэспублікі Беларусь у Рэспубліцы Польшча арганізавала сустрэчу з прадстаўнікамі беларускага боку.
Кірухіна Людміла Генадзьеўна Кірэева Галіна Уладзіміраўна

 

 

Навіны

Прэзентавана выданне да 180-годдзя з дня нараджэння Францішка Багушэвіча

19 Лют 2020

19 лютага ў Нацыянальнай бібліятэцы Беларусі прайшла прэзентацыя электроннага выдання “Не пакідайце ж мовы нашай беларускай...”, падрыхтаванага да 180-годдзя з дня нараджэння Францішка Багушэвіча.

Навіны Нацыянальнай бібліятэкі Беларусі

Калегам пра афармленне спісаў літаратуры

19 Лют 2020

18 лютага ў бібліятэцы Беларускага дзяржаўнага педагагічнага ўніверсітэта ў рамках павышэння кваліфікацыі супрацоўнікаў прайшлі практычныя заняткі па правільным афармленні спісаў літаратуры да навуковых прац.

Навіны Нацыянальнай бібліятэкі Беларусі

15 лютага споўнілася 95 гадоў з дня нараджэння ветэрана Нацыянальнай бібліятэкі Беларусі – Ігара Валянцінавіча Жолудзева

18 Лют 2020

Ігар Валянцінавіч Жолудзеў нарадзіўся ў 1925 годзе ў г. Ленінградзе. У 1933 годзе пачаў сваё навучанне ў школе. Аднак бязлітасная вайна ўварвалася ў яго бясхмарнае дзяцінства і юнацтва, пабудаваўшы свой сцэнар жыццёвага шляху.

Партрэты: гісторыя бібліятэкі ў асобах

Практыкум па ўжыванні УДК на беларускай мове

18 Лют 2020

У Мінскай абласной бібліятэцы імя А.С. Пушкіна 20 лютага адбудзецца практыкум, прысвечаны ўжыванню міжнароднай класіфікацыйнай сістэмы “Універсальная дзесятковая класіфікацыя” на беларускай мове для арганізацыі краязнаўчых фондаў і іх адлюстравання ў інфармацыйна-пошукавых сістэмах публічных бібліятэк.

Навіны Нацыянальнай бібліятэкі Беларусі

111