13 чэрвеня ў швейцарскім горадзе Фрыбуры адбылася ўрачыстая цырымонія перадачы факсімільных выданняў “Кніжнае спадчына Францыска Скарыны” і “Буквар” (1618) у дар Музею Гутэнберга.
Дырэктар Нацыянальнай бібліятэкі Беларусі Раман Матульскі выступіў з прэзентацыяй “алмаза ведаў”, пазнаёміў з гісторыяй развіцця беларускага кнігадрукавання і адзначыў важнасць мерапрыемстваў, якія спрыяюць развіццю дружалюбных адносін у сферы культуры паміж Беларуссю і Швейцарыяй.
Удзел у цырымоніі ўзялі прадстаўнікі дыпламатычнага корпуса, высокапастаўленыя госці рэгіянальнага і федэральнага ўзроўняў, супрацоўнікі музея.
Раман Матульскі абмеркаваў з дырэктарам Музея Гутэнберга Штэфанам Ледэргерберам перспектывы супрацоўніцтва.
Візіт адбыўся пры арганізацыйнай падтрымцы Пасольства Рэспублікі Беларусь у Швейцарскай Канфедэрацыі.
Партнёрам па факсімільным узнаўленні кніг Францыска Скарыны стаў Банк БелВЭБ. Факсіміле першага ў свеце “Буквара” было выдадзена пры падтрымцы Еўрапейскага банка рэканструкцыі і развіцця і Беларускага банка развіцця і рэканструкцыі “Белінвестбанка”.
Матэрыял прадастаўлены аддзелам сувязей з грамадскасцю.
Чытайце таксама, як прайшоў візіт у Цюрыхскую бібліятэку славістыкі
