ГалоўнаяНавіныНавіны Нацыянальнай бібліятэкі Беларусі
Падзяка калектыву бібліятэкі
Культурныя цэнтры Украіны папоўніліся кніжнай спадчынай Францыска Скарыны

Кніжная спадчына Францыска Скарыны – у дар Бібліятэцы Лідара нацыі

Кніжная спадчына Францыска Скарыны – у дар Бібліятэцы Лідара нацыі
Іншыя навіны

26 снежня ў Назарбаеў цэнтры ў Астане прайшло ўрачыстае мерапрыемства, прысвечанае 500-годдзю беларускага і ўсходнеславянскага кнігадрукавання.


Шматвектарны дыялог паміж Беларуссю і Казахстанам працягваецца ўжо чвэрць стагоддзя – сёлета споўнілася 25 гадоў з моманту ўстанаўлення дыпламатычных адносін паміж дружалюбнымі краінамі. За гэты працяглы перыяд наладжана цеснае супрацоўніцтва па многіх кірунках, у тым ліку і культурна-гуманітарным.

Мерапрыемства, прысвечанае 500-годдзю беларускага кнігадрукавання, арганізавана пры ўдзеле Пасольства Рэспублікі Беларусь у Рэспубліцы Казахстан у рамках міжнароднага праекта Бібліятэкі Лідара нацыі “Дыялог праз культуру”.

Падчас свята адбылася цырымонія перадачы ў дар Бібліятэцы Лідара нацыі факсімільнага выдання “Кніжная спадчына Францыска Скарыны”.

Падчас прывітальнай прамовы пасол Беларусі ў Казахстане Анатолій Нічкасаў расказаў аб мерапрыемствах, якія адбыліся сёлета ў Беларусі да 500-годдзя беларускага кнігадрукавання. Асабліва адзначыў ролю Нацыянальнай бібліятэкі Беларусі ў частцы культурна-асветніцкай дзейнасці і развіцці нацыянальнай мовы, арганізацыі шэрага мерапрыемстваў, прысвечаных юбілейнай даце.

Намеснік дырэктара бібліятэкі Амерхан Рахімжанаў выказаў словы ўдзячнасці за бясцэнны падарунак, “які годна характарызуе ўсебаковае супрацоўніцтва і ўзаемаразуменне, якое склалася паміж нашымі краінамі і народамі”.

У цырымоніі таксама ўзяў удзел генеральны менеджар Бібліятэкі Назарбаеў універсітэта Пётр Лапо выступіў з відэапрэзентацыяй “500-годдзе беларускага кнігадрукавання”. У сваім выступленні ён падкрэсліў значнасць захавання нацыянальнай культурнай спадчыны і беражлівых адносін да гісторыі сваёй дзяржавы, распавёў пра асобу Францыска Скарыны і яго ролю ў станаўленні і развіцці беларускай мовы.

На мерапрыемстве прысутнічалі главы дыпламатычных місій замежных дзяржаў, акрэдытаваных у Казахстане, вучоныя-бібліёграфы, прадстаўнікі дзелавога асяроддзя, творчай інтэлігенцыі, беларускай дыяспары, студэнты ВНУ, прадстаўнікі СМІ.

Факсіміле “Кніжная спадчына Францыска Скарыны” адкрые жыхарам Казахстана каштоўны пласт беларускай гісторыі і культуры, у аснове якога ляжыць кніжная спадчына вядомага першадрукара і гуманіста. Праект па яе вяртанні і аднаўленні рэалізаваны Нацыянальнай бібліятэкай Беларусі і Банкам БелВЭБ на працягу пяці гадоў (2013–2017 гг.). На сённяшні дзень шматтомнае выданне ўпрыгожвае калекцыі самых буйных культурных устаноў многіх краін і прэзентуе іх жыхарам сінявокую самабытную Беларусь.

Чытайце таксама:

Навіны

У Маскве адкрылася выстаўка “Сімяон, сын Полацка”

13 Сне 2019

12 снежня ў Дзелавым і культурным комплексе Пасольства Рэспублікі Беларусь у Расійскай Федэрацыі адкрылася кніжна-ілюстрацыйная выстаўка “Сімяон, сын Полацка”, прысвечаная 390-годдзю з дня нараджэння дзяржаўнага, царкоўнага і культурнага дзеяча Беларусі і Расіі.

Кніжныя выстаўкі

“Школа даследчыка” навучыць, дзе і як шукаць літаратуру

13 Сне 2019

Нацыянальная бібліятэка Беларусі валодае шырокім спектрам электронных інфармацыйных рэсурсаў, якія адлюстроўваюць не толькі нашы фонды і фонды іншых бібліятэк, але і дзясяткі мільёнаў лепшых сусветных публікацый з ліцэнзійных баз даных.

Навіны Нацыянальнай бібліятэкі Беларусі

Доўгая дарога да дома Караткевіча

13 Сне 2019

Адзін з найзначнейшых юбілеяў, якія будуць адзначацца ў надыходзячым 2020-м — 90-годдзе з дня нараджэння Уладзіміра Караткевіча. Як налета збіраюцца ўшанаваць памяць аб славутым земляку на ягонай малой радзіме — пакрысе высвятляецца ўжо сёння.

Навіны бібліятэк

Статус гісторыка-культурнай каштоўнасці атрымае феномен “Паўлінкі” Купалаўскага тэатра

12 Сне 2019

Статус гісторыка-культурнай каштоўнасці атрымае тэатральны феномен спектакля “Паўлінка” Нацыянальнага акадэмічнага тэатра імя Янкі Купалы. Такую прапанову сёння падтрымаў Беларускі рэспубліканскі навукова-метадычны савет па пытаннях гісторыка-культурнай спадчыны пры Міністэрстве культуры, паведамілі ў Мінкульце.

Навіны бібліятэк

Пра беларускіх ілюстратараў, якія прысвяцілі талент Яе Вялікасці Кнізе

11 Сне 2019

“Я не самотны, я кнігу маю…” – невыпадкова радок з верша Максіма Багдановіча прагучаў на ўрачыстай прэзентацыі кнігі журналіста Вольгі Паўлючэнкі “Малюнак пад кніжнай вокладкай”, якая адбылася 10 снежня ў бібліятэцы.

Навіны Нацыянальнай бібліятэкі Беларусі

111