15 кастрычніка ў рамках дабрачыннай акцыі “Чытанне – прастора інфармацыі і ведаў” бібліятэкам сярэдняй школы № 38 і ясляў-сада № 92 г. Мінска перадалі ў дар больш за 200 экзэмпляраў дзіцячай, вучэбнай, мастацкай, вучэбна-метадычнай і развіваючай літаратуры.
Адміністрацыя ўстаноў, педагагічны калектыў і супрацоўнікі бібліятэк выказалі шчырую падзяку за аказаную дапамогу ў папаўненні бібліятэчных фондаў.
Нацыянальная бібліятэка Беларусі ў сваю чаргу дзякуе выдавецтвам “Беларусь”, “Пачатковая школа”, “Право и экономика”, “Народная асвета”, кнігагандлёвым арганізацыям “БукЛайнГруп”, “БелтаймКніга”, “Мобилбук”, “Красіка-Прынт”, “Питер-М”, “Эўрыка-М”, Мінскаму гарадскому інстытуту развіцця адукацыі, Прэзідэнцкай бібліятэцы за падтрымку акцыі.
Заклікаем усіх жадаючых далучыцца да дабрачыннай акцыі “Чытанне – прастора інфармацыі і ведаў”!
Матэрыял прадастаўлены аддзелам камплектавання фондаў.