24 ліпеня ў рамках дабрачыннай акцыі “Чытанне – прастора інфармацыі і ведаў” бібліятэцы сярэдняй школы № 189 г. Мінска перадалі ў дар больш за 300 экзэмпляраў выданняў дзіцячай, вучэбнай, мастацкай, вучэбна-метадычнай і развіваючай літаратуры.
Супрацоўнікі школьнай бібліятэкі выразілі шчырую ўдзячнасць калектыву Нацыянальнай бібліятэкі Беларусі за дапамогу ў папаўненні бібліятэчнага фонду.
Камплект кніг сфарміраваны пры актыўным удзеле вядомых айчынных выдавецтваў “Беларусь”, “Пачатковая школа”, “Народная асвета”, кнігагандлёвых арганізацый “БукЛайнГруп”, “БелтаймКніга”, “Мобилбук”, “Красіка-Прынт”, “Питер-М”, “Эўрыка-М” і Мінскага гарадскога інстытута развіцця адукацыі.
Дабрачынная акцыя “Чытанне – прастора інфармацыі і ведаў” працягваецца. Заклікаем усіх жадаючых далучыцца да яе!
Матэрыял прадастаўлены аддзелам камплектавання фондаў.