У снежні ў “Клубе кніжных прафесараў” Нацыянальнай бібліятэкі Беларусі праходзілі заняткі “Кніга ператварэнняў”.
Магчымасць вывучаць кніжную спадчыну праз багаты кніжны збор Нацыянальнай бібліятэкі робіць заняткі ўнікальнымі. У майстар-класе прымаюць актыўны ўдзел як дзеткі, так і іх бацькі. Удзельнікі знаёмяцца з бібліятэчнымі кнігамі, якія здзіўляюць іх незвычайнасцю форм і матэрыялаў.
Кніга з’яўлялася прадметам зрокавага ўспрымання і эстэтычнага перажывання, што мае вялікі эмацыйны эфект і дапамагае дзецям знайсці арыгінальныя рашэнні пры стварэнні ўласнай “чароўнай кнігі”.
Творчы працэс дазваляе замацаваць тэарэтычную частку заняткаў, крэатыўна паглядзець на аб’ект пазнання і праявіць індывідуальныя здольнасці. Прымяненне актыўных і інтэрактыўных метадаў выклікае ў дзяцей інтарэс да кніжнай культуры і спрыяе эфектыўнаму засваенню матэрыялу.