15 снежня на платформе Zoom адбыўся вебінар “Кніга і чытанне як духоўная спадчына праваслаўя ў культуры і гісторыі беларускага народа”.
Арганізатарам вебінара выступілі: УК “Цэнтральная гарадская бібліятэка імя К. Маркса” г. Магілёва і Духоўна-асветніцкі цэнтр імя свяціцеля Георгія (Каніскага) Магілёўскай епархіі БПЦ. Удзел у мерапрыемстве прынялі спецыялісты публічных і школьных бібліятэк, выкладчыкі літаратуры, прадстаўнікі Беларускай праваслаўнай царквы.
З прывітальным словам да ўдзельнікаў мерапрыемства выступіла дырэктар установы культуры “Цэнтралізаваная сістэма дзяржаўных публічных бібліятэк г. Магілёва” Вольга Уладзіміраўна Волкава.
У мерапрыемстве прынялі ўдзел спецыялісты Нацыянальнай бібліятэкі Беларусі. Аналіз конкурсных работ бібліятэк Беларусі, якія прынялі ўдзел у VI Рэспубліканскім конкурсе “Бібліятэка – цэнтр духоўнай асветы і выхавання” прадставіла ў сваім дакладзе галоўны бібліятэкар навукова-даследчага аддзела бібліятэказнаўства Вольга Аляксандраўна Рынкевіч.
Вядучы бібліёграф аддзела карпаратыўнага ўзаемадзеяння Люцыя Георгіеўна Тупчыенка-Кадырава пазнаёміла ўдзельнікаў вебінара з электроннымі выданнямі па рэлігіі ў складзе віртуальнай чытальнай залы Нацыянальнай бібліятэкі Беларусі. Даклад быў прадстаўлены ўвазе ўдзельнікаў у відэазапісе.
Вебінар адбыўся ў рамках адукацыйнага форуму “XIV абласныя Свята-Георгіеўскія адукацыйныя чытанні”, прысвечанага Году малой радзімы і 75-годдзю Перамогі савецкага народа ў Вялікай Айчыннай вайне.
Матэрыял пададзены навукова-даследчым аддзелам бібліятэказнаўства.