ГалоўнаяНавіныНацыянальная бібліятэка Беларусі
“Абуджаная жалейка” ў Дзяржаўным літаратурным музеі Янкі Купалы
Завяршэнне серыі семінараў віртуальнай чытальнай залы

“Кніга – галоўны экспанат”: завяршальная прэзентацыя на ХХV ММКВК

“Кніга – галоўны экспанат”: завяршальная прэзентацыя на ХХV ММКВК
Іншыя навіны

3 сакавіка ў межах ХХV Мінскай міжнароднай кніжнай выстаўкі-ярмаркі на цэнтральнай пляцоўцы Нацыянальнага стэнда Беларусі прайшла падрыхтаваная Нацыянальнай бібліятэкай прэзентацыя “Кніга – галоўны экспанат”.

Кніга – асаблівы помнік гісторыі і культуры, адзін са старажытных аб’ектаў калекцыяніравання. Аднак першыя музеі кнігі, дзе яна заняла сваё пачэснае месца галоўнага экпаната, з’явіліся толькі ў другой палове XIX ст. Сёння такія музеі дзейнічаюць у межах буйных бібліятэк і кнігасховішч, паліграфічных прадпрыемстваў і іншых устаноў. Не выключэнне і Нацыянальная бібліятэка Беларусі.

Падчас прэзентацыі галоўны бібліятэкар навукова-даследчага аддзела кнігазнаўства Марыя Шопіна распавяла слухачам аб найбольш значных выставачных праектах музея кнігі ў юбілейны год беларускага кнігадрукавання, а таксама падзялілася новымі задумамі і перспектывамі на бягучы год.

500-гадовы юбілей беларускага кнігадрукавання стаў стымулам для ідэй і рэалізацыі шматлікіх праектаў, скіраваных на папулярызацыю багатай беларускай кніжнай спадчыны.

Вядома, без увагі нельга было пакінуць такую важную групу наведвальнікаў выстаўкі, як дзеці. Адной з такіх паспяховых ініцыятыў бібліятэкі стаў культурна-асветніцкі праект “У госці да кніг”. Як паказаў час, першачарговая задача, пастаўленая стваральнікамі праекта, больш чым выканана: займальныя і вясёлыя заняткі выклікалі жывы водгук і цікавасць у маленькіх кнігазнаўцаў. Аб праекце і яго першых выніках расказала слухачам яго аўтар-стваральнік − загадчыца сектара навукова-праектай работы аддзела кнігазнаўства Таццяна Сапега.

Шматграннасць і асаблівасці кніжных выданняў знайшлі сваё ўвасабленне ў разнастайных кніжных выстаўках Нацыянальнай бібліятэкі Беларусі. Загадчыца сектара арганізацыі кніжных выставак аддзела галерэйна-выставачнай дзейнасці Ірына Васільковіч падзялілася з удзельнікамі мерапрыемства ўражаннямі аб найбольш яркіх і цікавых выставачных праектах, галоўным экспанатам якіх выступіла яе вялікасць Кніга.


Каментарыі карыстальнікаў:

Каментаванне даступна толькі зарэгістраваным карыстальнікам

Навіны

У Год малой радзімы – віртуальнае падарожжа па Магілёўскім краі

18 Чэр 2018

Паважаныя сябры! У Год малой радзімы хочацца звярнуць вашу ўвагу на калекцыю унікальных электронных краязнаўчых рэсурсаў, прадстаўленых у нашай віртуальнай чытальнай зале ў раздзеле “Электронныя рэсурсы арганізацый-партнёраў”.

Нацыянальная бібліятэка Беларусі

Янка Маўр: у дынаміцы і напружаных сітуацыях

19 Чэр 2018

У маі споўнілася 135 гадоў з дня нараджэння патрыярха беларускай дзіцячай літаратуры Янкі Маўра. Адразу згадваюцца аповесці «Палескія рабінзоны», «У краіне райскай птушкі», першы прыгодніцкі раман «Амок». Але спадчына пісьменніка – гэта не толькі захапляльная дзіцячая літаратура, яна ўключае і п’есы, і байкі, і публіцыстыку, і вострыя фельетоны.

Навіны бібліятэк

“Быкаўскія дні” ў Музеі-дачы Васіля Быкава

18 Чэр 2018

Васіль Быкаў – Чалавек, якога яшчэ пры жыцці назвалі сумленнем нацыі. Яго імя стала сімвалам беларускай нацыі. Прыцягальныя душэўныя рысы, адметная шматгранным талентам асоба Васіля Быкава і кранальныя творы майстра – усё тое, што прыцягвае да постаці і творчасці пісьменніка.

Навіны бібліятэк

І зноў у шлях!

14 Чэр 2018

13 чэрвеня ў дзіцячым аздараўленчым лагеры “Зарніца”, размешчаным у маляўнічым месцы Уздзенскага раёна Мінскай вобласці, адбылася выязная экскурсія, прысвечаная жыццю і творчасці вядомага дзіцячага пісьменніка Янкі Маўра.

Нацыянальная бібліятэка Беларусі