20 верасня 2009 года дзіцячы пакой Нацыянальнай бібліятэкі Беларусі запрашае дзяцей разам з бацькамі на святочнае мерапрыемства «Кніга – дарога ў казку!», прысвечанае Дню бібліятэк.
Мы запрашаем хлопчыкаў і дзяўчынак у Казачную краіну, на шляху да якой іх чакаюць цікавыя конкурсы і загадкі. Дзецям будзе прапанавана ўспомніць казкі, дзе сустракаюцца назвы лясных жыхароў, кветак і насельнікаў воднага свету. Знатакамі розных відаў палявых кветак яны змогуць праявіць сябе ў конкурсе «Вярні імя», уважлівасць і эрудзіраванасць спатрэбяцца ім таксама ў конкурсе «Каменьчыкі».
У праграме свята прадугледжаны дзіцячыя песні, танцы, рытмічныя паўзы, што дапаможа дзецям камфортна пераадольваць усе перашкоды на дарозе ў Казачную краіну.
Напрыканцы мерапрыемства яны ўласнымі рукамі зробяць маляўнічыя закладкі для сваіх любімых кніг.
Запрашаюцца дзеці ва ўзросце 5–8 гадоў.
Час правядзення: 12.00–13.30.
Кантактны тэлефон: 293-25-34.
