8–16 чэрвеня ў Судаку (Украіна) прайшла юбілейная Міжнародная канферэнцыя “Крым-2013: Бібліятэкі і інфармацыйныя рэсурсы ў сучасным свеце навукі, культуры, адукацыі і бізнесу”.
Тэма канферэнцыі была сфармулявана як “20 гадоў Канферэнцыі «Крым»: вынікі і перспектывы бібліятэчна-інфармацыйнай інтэграцыі і кааперацыі”. У яе рабоце ўзялі ўдзел каля 1 000 спецыялістаў з 26 краін.
Асноўнымі праблемна-тэматычнымі кірункамі работы канферэнцыі сталі: бібліятэка будучага ў лічбавую эпоху, сусветная інфармацыйная інфраструктура, міжбібліятэчная кааперацыя і праекты міжнароднага супрацоўніцтва; нацыянальныя бібліятэкі і нацыянальныя інфармацыйныя рэсурсы; узаемадзеянне бібліятэк, кнігавыдаўцоў і кніжнага рынку; электронныя бібліятэкі і электронныя рэсурсы; аўтаматызаваныя бібліятэчныя сістэмы і інфармацыйныя тэхналогіі і інш.
Дэлегацыя Нацыянальнай бібліятэкі Беларусі (НББ) была прадстаўлена першым намеснікам дырэктара па абслугоўванні карыстальнікаў і ідэалогіі Далгаполавай А.Е., галоўным рэдактарам рэдакцыі перыядычных выданняў і выданняў з працягам Кірухінай Л.Г., загадчыкам аддзела камплектавання электронных інфармацыйных рэсурсаў Лапо В.П.
Удзельнікі дэлегацыі выступілі з наступнымі дакладамі:
- “Тыпавыя характарыстыкі інфармацыйных паводзін сучаснага карыстальніка бібліятэкі: па выніках рэспубліканскага даследавання” (Далгаполава А.Е.);
- “Выдавецкая дзейнасць Нацыянальнай бібліятэкі Беларусі ў сучасным інфармацыйным асяроддзі” (Кірухіна Л.Г.);
- “Лічбавыя калекцыі перыядычных выданняў як частка кантэнту электроннай бібліятэкі Нацыянальнай бібліятэкі Беларусі” (Лапо В.П.).
Супрацоўнікі НББ узялі ўдзел у шэрагу дыскусій, прэзентацый рэсурсаў і прафесійных выданняў, а таксама імі былі праведзены перагаворы аб удзеле ў кастрычніку прадстаўнікоў замежных кампаній, выдавецтваў, вытворцаў праграмнага забеспячэння і інфармацыйных прадуктаў для бібліятэк у міжнародным кангрэсе “Бібліятэка як феномен культуры” і ў выстаўцы электронных інфармацыйных рэсурсаў і сервісаў для навукі, культуры, адукацыі, якая арганізуецца НББ у яго рамках вышэйназванага кангрэса.
Інфармацыйны ліст канферэнцыі “Крым-2013”.
Чытайце таксама:
- Начала работу юбилейная конференция “Крым-2013”
- XIX Міжнародная канферэнцыя “Крым”
- XVIII Міжнародная канферэнцыя “Крым”
- XVII Міжнародная канферэнцыя “Крым”
- XVI Международная конференция “Крым”
- XV юбилейная Международная конференция “Крым”
- XIV Международная конференция “Крым”
- XIII Международная конференция “Крым”
- XII Международная конференция “Крым”
