Запрашаем прыняць удзел ва ўрачыстым адкрыцці і пленарным пасяджэнні ХІI Міжнародных кнігазнаўчых чытанняў “Кніжная культура Беларусі: погляд праз стагоддзі”, якія адбудуцца 7–8 красавіка.
Кнігазнаўчыя чытанні з’яўляюцца адным з важнейшых мерапрыемстваў, што гуртуе вучоных і спецыялістаў розных краін, якія даследуюць беларускую кніжную культуру. Сёлетняя канферэнцыя стане добрым працягам існуючай традыцыі і збярэ зацікаўленых вучоных з Беларусі, Венгрыі, Латвіі, Літвы, Польшчы, Славакіі, Расіі і Украіны, якія прадставяць вынікі самых новых даследаванняў па гісторыі беларускай рукапіснай і друкаванай кніжнай спадчыны.
Канферэнцыя пройдзе ў Нацыянальнай бібліятэцы Беларусі (г. Мінск, прасп. Незалежнасці, 116).
Урачыстае адкрыццё і пленарнае пасяджэнне ладзяцца 7 красавіка 2016 г. а 10-й гадзіне ў канферэнц-зале (правы бакавы ўваход, 2-гі паверх).
