6 мая ў дзіцячым пакоі прайшло мерапрыемства “Хай заўжды будзе сонца”, прысвечанае 70-годдзю Перамогі ў Вялікай Айчыннай вайне.
Свята пачалося з прагляду музычнай прэзентацыі “Ніхто не забыты, нішто не забыта”, якая дапамагла стварыць у дзяцей сур’ёзны і трапяткі настрой. Потым яны правільна адказалі на ўсе пытанні віктарыны “Ведаць і памятаць”.
У конкурсе “Акажы параненаму дапамогу” хлопчыкі і дзяўчынкі даказалі, што ім па плячы любое заданне, а таксама паспяхова пераадолелі перашкоды эстафеты, праявіўшы незвычайны спрыт і меткасць.
У ходзе мерапрыемства хлопчыкі і дзяўчынкі з вялікай цікавасцю слухалі песні і знаёміліся з кнігамі ваеннай тэматыкі. Напрыканцы свята юныя ўдзельнікі зрабілі памятныя віншавальныя паштоўкі.