28 красавіка ў канферэнц-зале Нацыянальнай бібліятэкі Беларусі адбыўся фінал Міжнароднага міжвузаўскага конкурсу грацыі і артыстычнага майстэрства “Каралева Вясна – 2011”.
Заснавальнікі мерапрыемства – Беларускі рэспубліканскі саюз моладзі, Міністэрства адукацыі Рэспублікі Беларусь, Нацыянальная бібліятэка Беларусі, Расійскі саюз моладзі, прадстаўніцтва Міждзяржаўнай тэлерадыёкампаніі “Мир” у Рэспубліцы Беларусь, Нацыянальная школа прыгажосці.
Асноўная ідэя конкурсу заключаецца ў прадстаўленні прыгажосці як сукупнасці духоўных, інтэлектуальных якасцей, творчых здольнасцей і знешніх дадзеных удзельніц.
У фінале конкурсу “Каралева Вясна – 2011” узялі ўдзел 9 дзяўчат-студэнтак з Рэспублікі Венесуэла, Рэспублікі Беларусь, Расійскай Федэрацыі, Латвійскай Рэспублікі.
Удзельніцы прадэманстравалі свае сцэнічныя, артыстычныя, творчыя і інтэлектуальныя здольнасці.
Журы, у склад якога ўвайшлі Сяргей Нагорны, Наталля Макей, Віктар Бабарыкін, Алеся Лапіцкая, Саша Нема, Сяргей Кухто, вызначыла самую вясновую каралеву 2011 года. Ёю стала студэнтка Віцебскага дзяржаўнага тэхналагічнага ўніверсітэта Бажэна Багінская.
 |
 |
 |
 |
 |
 |
 |
 |
 |
