11 снежня ў бібліятэцы адбыўся канцэрт, прысвечаны 210-годдзю з дня нараджэння венгерскага кампазітара Феранца Ліста.
Малады беларускі піяніст, чытач Нацыянальнай бібліятэкі Андрэй Кіранаў выканаў фартэпіянныя творы розных перыядаў творчасці кампазітара: Венгерская рапсодыя № 17, “Ліён” і “Даліна Абермана” з цыкла “Альбом падарожніка”, элегіі, “Ave Maria”, “Sancta Dorortea” і інш.
Эмацыйнае, маляўнічае выкананне тэхнічна складаных твораў знайшло жывы водгук у слухачоў. Пасля канцэрту наведвальнікі мелі магчымасць пагутарыць, падзяліцца ўражаннямі і падзякаваць піяністу.
Вялікую цікавасць у прысутных выклікала выстава, падрыхтаваная спецыялістамі залы нотных і аўдыявізуальных дакументаў, дзе дэманстраваліся ноты выкананых твораў і літаратура аб жыцці і творчасці Феранца Ліста.
Сачыце за анонсамі наступных мерапрыемстваў з цыкла “Гадзіна музыкі”.
Матэрыял пададзены аддзелам абслугоўвання спецыялізаванымі дакументамі.