ГалоўнаяНавіныНавіны Нацыянальнай бібліятэкі Беларусі
“Кубак шампіньёнаў з музеем Багдановіча” ў межах міжнароднай акцыі “Ноч музеяў”
Разам весела чытаць

Канферэнцыя “Кніга і чытанне ў лічбавую эпоху”

Канферэнцыя “Кніга і чытанне ў лічбавую эпоху”
Іншыя навіны

15–18 мая беларуская дэлегацыя прымае ўдзел у міжнароднай навукова-практычнай канферэнцыі “Кніга і чытанне ў лічбавую эпоху”, якая праходзіць у Бішкеку.

У рабоце канферэнцыі ўдзельнічаюць больш за 150 спецыялістаў з Азербайджана, Арменіі, Беларусі, Казахстана, Кыргызстана, Малдовы, Расіі, Таджыкістана, Туркменістана, Узбекістана, Украіны. У Бішкек з’ехаліся кіраўнікі і прадстаўнікі інстытутаў падтрымкі і развіцця чытання – органаў улады і ўстаноў у сферы навукі, адукацыі, культуры, камунікацыі і інфармацыі, а таксама выдавецтваў, прадпрыемстваў кніжнага гандлю, грамадскіх арганізацый і бізнесу.

На канферэнцыі ў дзяржаўнай рэзідэнцыі “Ала-Арча” пры Упраўленні справамі Прэзідэнта і Урада Кыргызскай Рэспублікі на секцыі “Кніга, чытанне і бібліятэка” выступіў дырэктар Нацыянальнай бібліятэкі, віцэ-прэзідэнт Бібліятэчнай асамблеі Еўразіі Раман Матульскі.

У дакладзе “Развіццё віртуальных сэрвісаў Нацыянальнай бібліятэкі Беларусі як эфектыўны спосаб абслугоўвання карыстальнікаў” ён расказаў пра досвед “алмаза ведаў” у галіне інфармацыйна-бібліятэчнага абслугоўвання ў электронным асяроддзі. Сёння галоўная бібліятэка краіны валодае багатай рэсурснай базай і разнастайным асартыментам паслуг, якія прадастаўляюцца як у лакальным, так і ў аддаленым доступе.

Ад беларускага боку ўдзел у канферэнцыі таксама прынялі Людміла Камароўская, загадчыца аддзела экскурсійна-метадычнай работы Нацыянальнай бібліятэкі Беларусі; Іна Юрык, дырэктар Навуковай бібліятэкі Беларускага нацыянальнага тэхнічнага ўніверсітэта, старшыня Беларускай бібліятэчнай асацыяцыі; Людміла Рублеўская, літаратурная аглядальніца Выдавецкага дома “Беларусь сёння”; Юлія Галкоўская, дэкан факультэта інфармацыйна-дакументных камунікацый Беларускага дзяржаўнага ўніверсітэта культуры і мастацтваў.

Падчас шматлікіх секцый і пасяджэнняў канферэнцыі будзе разгледжаны шырокі спектр пытанняў па павышэнні і ўмацаванні ў грамадскай свядомасці важнасці і актуальнасці праблемы падтрымкі і развіцця чытання ў дзяржавах – удзельніцах Садружнасці Незалежных Дзяржаў (СНД). Міжнародная канферэнцыя ў Бішкеку – цудоўная пляцоўка для абмену вопытам і наладжвання культурных сувязей.

17 мая ўдзельнікі канферэнцыі працягнуць работу ў секцыях, а таксама прымуць удзел у адкрыцці ўрачыстага мерапрыемства, прысвечанага 85-годдзю Нацыянальнай бібліятэкі Кыргызскай Рэспублікі імя Алыкула Асмонава, і ХІ Форуме бібліятэчных работнікаў Кыргызстана на тэму “Стратэгія развіцця бібліятэк Кыргызстана ў лічбавую эпоху”. У гэты ж дзень адбудзецца штогадовы Агульны сход членаў некамерцыйнага партнёрства “Бібліятэчная асамблея Еўразіі”, удзел у якім прыме і Раман Матульскі.

Матэрыял прадастаўлены аддзелам сувязей з грамадскасцю.

Навіны

Семінар віртуальнай чытальнай залы ў Брэсцкім дзяржаўным тэхнічным універсітэце

28 Лют 2020

27 лютага ў Брэсцкім дзяржаўным тэхнічным універсітэце прайшоў семінар “Выкарыстанне рэсурсаў віртуальнай чытальнай залы Нацыянальнай бібліятэкі Беларусі пры стварэнні інавацыйнага навукова-адукацыйнага асяроддзя ВНУ”.

Навіны Нацыянальнай бібліятэкі Беларусі

Семінары віртуальнай чытальнай залы ў Нацыянальнай акадэміі навук Беларусі

28 Лют 2020

27 лютага серыя семінараў віртуальнай чытальнай залы па прадстаўленні электронных рэсурсаў працягнулася ў Нацыянальнай акадэміі навук Беларусі.

Навіны Нацыянальнай бібліятэкі Беларусі

Магчымасці выкарыстання віртуальнай чытальнай залы Нацыянальнай бібліятэкі прадстаўлены ў Брэсцкім дзяржаўным універсітэце

27 Лют 2020

26 лютага ў Брэсцкім дзяржаўным універсітэце імя А.С. Пушкіна прайшоў семінар "Сучасныя падыходы да павышэння эфектыўнасці інфармацыйнага забеспячэння навуковай і адукацыйнай дзейнасці".

Навіны Нацыянальнай бібліятэкі Беларусі

Семінар віртуальнай чытальнай залы Нацыянальнай бібліятэкі Беларусі ў Беларускім дзяржаўным універсітэце

27 Лют 2020

26 лютага ў Беларускім дзяржаўным універсітэце прайшоў семінар “Публікацыйная стратэгія вучонага”. Мерапрыемства было арганізавана БДУ сумесна з Нацыянальнай бібліятэкай Беларусі і кампаніяй Clarivate Analytics.

Навіны Нацыянальнай бібліятэкі Беларусі

Лекцыя “Ад «Маладняка» да «Маладосці»”

27 Лют 2020

26 лютага на факультэце сацыякультурных камунікацый Беларускага дзяржаўнага ўніверсітэта пры кафедры тэорыі і практыкі перакладу ў рамках рэспубліканскага праекта “На хвалі часу, у плыні жыцця” адбылася лекцыя “Ад «Маладняка» да «Маладосці»”.

Навіны Нацыянальнай бібліятэкі Беларусі

Эпізоды мастацкага жыцця Віцебска на старонках газет

27 Лют 2020

Пры ўсіх неадназначных працэсах, якія адбываліся на тэрыторыі Беларусі ў палітычнай, духоўнай і культурнай сферах у 1917–1922 гг., ішлі станаўленне беларускага нацыянальнага выяўленчага мастацтва і фарміраванне шматнацыянальнай групы мастакоў.

Праект “Сведкі эпохі: Беларусь на старонках газет 100-гадовай даўніны”

111