ГалоўнаяНавіныНавіны Нацыянальнай бібліятэкі Беларусі
Выйшаў руска-беларускі тлумачальнiк медыцынскіх тэрмінаў
Адкрыты доступ да архіва газеты “Известия”

Канферэнцыя і пасяджэнне БАЕ, прысвечаныя развіццю бібліятэк Еўразіі

Іншыя навіны

15–16 лістапада ў Алма-Аце (Рэспубліка Казахстан) адбылася міжнародная канферэнцыя “Новы фармат бібліятэк Еўразіі. Інфармацыйныя сістэмы і тэхналогіі”, прысвечаная 80-годдзю Нацыянальнай бібліятэкі Рэспублікі Казахстан.


У рабоце канферэнцыі ўзялі ўдзел прадстаўнікі бібліятэчна-інфармацыйных устаноў Казахстана і дзяржаў – членаў СНД, органаў кіравання Казахстана, а таксама прадстаўнікі міністэрстваў культуры або аналагічных органаў кіравання дзяржаў – членаў СНД.

З дакладамі на пленарным пасяджэнні выступілі Балабекава Гуліса Кабараўна, генеральны дырэктар Нацыянальнай бібліятэкі Рэспублікі Казахстан; Матульскі Раман Сцяпанавіч, прэзідэнт некамерцыйнага партнёрства "Бібліятэчная асамблея Еўразіі", дырэктар Нацыянальнай бібліятэкі Беларусі; Фёдараў Віктар Васільевіч, прэзідэнт Расійскай дзяржаўнай бібліятэкі; Ліхаманаў Антон Уладзіміравіч, генеральны дырэктар Расійскай нацыянальнай бібліятэкі; Макееў Сяргей Міхайлавіч, намеснік генеральнага дырэктара па рабоце з філіяламі Прэзідэнцкай бібліятэкі імя Б.М. Ельцына; Анішчанка Аляксей Сямёнавіч, генеральны дырэктар Нацыянальнай бібліятэкі Украіны імя У.І. Вярнадскага; Кузьмін Яўген Іванавіч, старшыня Міжурадавага савета Праграмы ЮНЕСКА "Інфармацыя для ўсіх", старшыня Расійскага камітэта Праграмы ЮНЕСКА “Інфармацыя для ўсіх”, прэзідэнт Міжрэгіянальнага цэнтра бібліятэчнага супрацоўніцтва.

Асноўныя тэмы, якія абмяркоўваліся на міжнароднай канферэнцыі, – прыярытэты, перспектывы і стратэгіі развіцця еўразійскай бібліятэчнай прасторы, нарматыўна-прававое забеспячэнне дзейнасці бібліятэк, праблемы стварэння, захавання і выкарыстання інфармацыі пасродкам электронных дакументаў і сеціўных тэхналогій.

Асаблівая ўвага была нададзена парадыгме развіцця бібліятэк ва ўмовах празмернай вытворчасці інфармацыі і засмечвання інфармацыйнай прасторы.

У рамках канферэнцыі прайшло XIII пасяджэнне Агульнага сходу членаў некамерцыйнага партнёрства “Бібліятэчная асамблея Еўразіі”.

На пасяджэнні БАЕ спецыяльная ўвага была нададзена наступным пытанням:

  • удзелу БАЕ ў распрацоўцы мадэльных законаў, канцэпцый і іншых дакументаў, накіраваных на фарміраванне адзінага прававога поля дзейнасці бібліятэк краін СНД;
  • фарміраванню электронных інфармацыйных рэсурсаў у рамках праектаў “Купалы садружнасці” і “Залатая калекцыя Еўразіі”;
  • выдавецкай дзейнасці БАЕ.

Удзельнікамі канферэнцыі адзначаны высокі ўзровень распрацаванага ў Беларусі Закона аб аўтарскім праве і інтэлектуальнай уласнасці.

Адобрана работа па выданні папяровай версіі часопіса "Вестник БАЕ" і прынята рашэнне аб выданні яго электроннай версіі.

У адпаведнасці са Статутам БАЕ былі праведзены чарговыя выбары кіраўніцтва: прэзідэнтам абраны генеральны дырэктар Расійскай дзяржаўнай бібліятэкі А.І. Віслы, віцэ-прэзідэнтамі – дырэктар Нацыянальнай бібліятэкі Беларусі Р.С. Матульскі і генеральны дырэктар Нацыянальнай бібліятэкі Рэспублікі Казахстан Г.К. Балабекава.

 

Чытайце таксама:
Новый формат библиотек Евразии. Информационные системы и технологии

Навіны

Да Дня работнікаў культуры супрацоўнікі бібліятэкі атрымалі заслужаныя ўзнагароды

11 Кас 2019

Напярэдадні прафесійнага свята Міністэрства культуры Рэспублікі Беларусь узнагародзіла лепшых спецыялістаў галіны. Сярод іх – супрацоўнікі Нацыянальнай бібліятэкі Беларусі.

Навіны Нацыянальнай бібліятэкі Беларусі

Выхад з ценю: невядомы арыгінал Берасцейскай Бібліі

10 Кас 2019

10 кастрычніка ў музеі кнігі адбылося ўрачыстае адкрыццё выставы “Выхад з ценю: невядомы арыгінал Берасцейскай Бібліі”, якая зноў прыцягнула ўвагу грамадскасці да адной з самых незвычайных і таямнічых друкаваных кніг Беларусі XVI ст.

Кніжныя выстаўкі

Пяць кніжак на выходныя

11 Кас 2019

Час летніх вандровак скончыўся, але адпраўляцца ў падарожжа можна не толькі наяве, але і па кніжках. Так, Марыя Мартысевіч сваю гераіню адправіла ў міфічную краіну Сарматыю, адкуль тая піша да сястры лісты і расказвае пра норавы гэтага дзікага краю. А Міхал Андрасюк выправіўся ў падарожжа па родных для сваіх продкаў мясцінах на беларуска-польскім памежжы – выправіўся ва ўспамінах і снах. Маленькая Бэрта з кнігі Сары Лундберг марыць паляцець птушкай з вёскі ў горад...

Навіны бібліятэк

Напісанае застаецца: новае выданне твораў Васіля Быкава

10 Кас 2019

Выдавецтва “Мастацкая літаратура” распачало новую кніжную серыю – “Напісанае застаецца”. Першая кніга ў творчым праекце, які абяцае выклікаць увагу чытачоў, – зборнік аповесцей народнага пісьменніка Беларусі Васіля Быкава “Знак бяды. Абеліск. Жураўліны крык”.

Навіны бібліятэк

111