22 жніўня дырэктар Нацыянальнай бібліятэкі Беларусі Раман Матульскі прыняў удзел у штогадовай Канферэнцыі дырэктараў нацыянальных бібліятэк (CDNL).
Канферэнцыя прайшла ў рамках Сусветнага бібліятэчнага і інфармацыйнага кангрэса: 83-й Генеральнай канферэнцыі і асамблеі ІФЛА, які ладзіцца з 19 па 25 жніўня ў Вроцлаве (Польшча).
Пасяджэнне пачалося з прывітальных слоў старшыні Канферэнцыі дырэктараў нацыянальных бібліятэк, генеральнага дырэктара Нацыянальнай бібліятэкі Фінляндыі Кая Экхальма і генеральнага дырэктара Нацыянальнай бібліятэкі Польшчы Томаша Макоўскага.
Падчас сустрэчы ўдзельнікі абмеркавалі найбольш значныя для нацыянальных бібліятэк праблемы. Таксама прагучалі даклады кіраўнікоў нацыянальных бібліятэк Даніі, Канады, Літвы, Малайзіі, Новай Зеландыі, Фінляндыі і Францыі.
Акрамя таго, Раман Матульскі правёў перамовы аб узаемадзеянні ў сферы культуры і бібліятэчнай справы з дырэктарам Нацыянальнай бібліятэкі Эстоніі Яне Андрэсоа і падпісаў Пагадненне аб супрацоўніцтве паміж бібліятэкамі абедзвюх краін.
Таксама ён запрасіў калег наведаць Беларусь для ўдзелу ў Міжнародным кангрэсе “500 гадоў беларускага кнігадрукавання”, які пройдзе ў Мінску ў верасні 2017 года.
Візіт дэлегацыі Нацыянальнай бібліятэкі Беларусі адбыўся пры падтрымцы MOST (Mobility Scheme for Targeted People-to-People-Contacts / Праграма мабільнасці для мэтанакіраваных міжасабовых кантактаў).
 |
 |
 |
