ГалоўнаяНавіныНавіны Нацыянальнай бібліятэкі Беларусі
Іван Штэйнер: “З’явіцца творца, які скажа новае слова...”
Сцэна новага свету

Канферэнцыя “Бібліятэчныя фонды: праблемы і рашэнні”

Канферэнцыя “Бібліятэчныя фонды: праблемы і рашэнні”
Іншыя навіны

1–5 кастрычніка ў Нацыянальнай бібліятэцы Рэспублікі Татарстан адбылася ХІ Усерасійская навукова-практычная канферэнцыя “Бібліятэчныя фонды: праблемы і рашэнні”.

Арганізатарамі канферэнцыі выступілі Расійская бібліятэчная асацыяцыя, Расійская нацыянальная бібліятэка, Міністэрства культуры Рэспублікі Татарстан, Нацыянальная бібліятэка Рэспублікі Татарстан.

На канферэнцыі разглядаліся пытанні камплектавання фондаў бібліятэк у лічбавым асяроддзі, абмяркоўваліся новыя падыходы да фарміравання фондаў муніцыпальных бібліятэк, асвятляліся праблемы нарматыўна-прававога рэгулявання фарміравання фондаў бібліятэк. Вялікая ўвага на канферэнцыі была нададзена практычным пытанням фарміравання бібліятэчных фондаў.

У працы канферэнцыі прынялі ўдзел вядучыя спецыялісты Расійскай Федэрацыі ў галіне бібліятэчнай, кніжнай, выдавецкай справы, а таксама прадстаўнікі рэгіянальных і муніцыпальных бібліятэк Расіі.

Упершыню ў рабоце штогадовай усерасійскай навукова-практычнай канферэнцыі ўдзельнічалі і супрацоўнікі Нацыянальнай бібліятэкі Беларусі (НББ). Загадчыца аддзела камплектавання фондаў Юлія Аляксандраўна Пераверзева і загадчыца аддзела захоўвання спецыялізаваных фондаў Юлія Барысаўна Твердахлебава выступілі з дакладам “Фарміраванне і захаванасць фонду перыядычных выданняў у сучасных сацыяльна-эканамічных умовах: практыка Нацыянальнай бібліятэкі Беларусі”.

Падчас канферэнцыі спецыялісты НББ азнаёміліся з вопытам работы Нацыянальнай бібліятэкі Рэспублікі Татарстан ў частцы фарміравання і захаванасці фондаў, бібліятэчна-інфармацыйнага абслугоўвання карыстальнікаў, наладзілі рабочыя кантакты са спецыялістамі бібліятэк Расійскай Федэрацыі для далейшага супрацоўніцтва.

Каментарыі карыстальнікаў:

Каментаванне даступна толькі зарэгістраваным карыстальнікам

Навіны

Аб экспанатах выстаўкі “Беларусь і Біблія” – у інтэрв’ю з Аляксандрам Сушай на “Беларусь 3”

15 Кас 2018

Клінапісныя таблічкі ўзростам да 5 тысяч гадоў, Бібліі з гравюрамі Альбрэхта Дзюрэра, Сальвадора Далі і іншых знакамітых мастакоў, скруткі Мёртвага мора, кнігі Гутэнберга, Лютэра і Скарыны – у музей кнігі Нацыянальнай бібліятэкі Беларусі прывезлі экспанаты, якія каштуюць мільёны еўра ў грашовым эквіваленце і не маюць цаны ў культурным.

Навіны Нацыянальнай бібліятэкі Беларусі

Юныя мастацтвазнаўцы на выстаўцы “Беларусь і Біблія”

15 Кас 2018

Міжнародную выстаўку “Беларусь і Біблія” наведалі ўдзельнікі народнай мастацка-адукацыйнай студыі “У госці да Цюбіка” Нацыянальнага мастацкага музея Рэспублікі Беларусь.

Навіны Нацыянальнай бібліятэкі Беларусі