ГалоўнаяНавіныНавіны Нацыянальнай бібліятэкі Беларусі
Іван Штэйнер: “З’явіцца творца, які скажа новае слова...”
Сцэна новага свету

Канферэнцыя “Бібліятэчныя фонды: праблемы і рашэнні”

Канферэнцыя “Бібліятэчныя фонды: праблемы і рашэнні”
Іншыя навіны

1–5 кастрычніка ў Нацыянальнай бібліятэцы Рэспублікі Татарстан адбылася ХІ Усерасійская навукова-практычная канферэнцыя “Бібліятэчныя фонды: праблемы і рашэнні”.

Арганізатарамі канферэнцыі выступілі Расійская бібліятэчная асацыяцыя, Расійская нацыянальная бібліятэка, Міністэрства культуры Рэспублікі Татарстан, Нацыянальная бібліятэка Рэспублікі Татарстан.

На канферэнцыі разглядаліся пытанні камплектавання фондаў бібліятэк у лічбавым асяроддзі, абмяркоўваліся новыя падыходы да фарміравання фондаў муніцыпальных бібліятэк, асвятляліся праблемы нарматыўна-прававога рэгулявання фарміравання фондаў бібліятэк. Вялікая ўвага на канферэнцыі была нададзена практычным пытанням фарміравання бібліятэчных фондаў.

У працы канферэнцыі прынялі ўдзел вядучыя спецыялісты Расійскай Федэрацыі ў галіне бібліятэчнай, кніжнай, выдавецкай справы, а таксама прадстаўнікі рэгіянальных і муніцыпальных бібліятэк Расіі.

Упершыню ў рабоце штогадовай усерасійскай навукова-практычнай канферэнцыі ўдзельнічалі і супрацоўнікі Нацыянальнай бібліятэкі Беларусі (НББ). Загадчыца аддзела камплектавання фондаў Юлія Аляксандраўна Пераверзева і загадчыца аддзела захоўвання спецыялізаваных фондаў Юлія Барысаўна Твердахлебава выступілі з дакладам “Фарміраванне і захаванасць фонду перыядычных выданняў у сучасных сацыяльна-эканамічных умовах: практыка Нацыянальнай бібліятэкі Беларусі”.

Падчас канферэнцыі спецыялісты НББ азнаёміліся з вопытам работы Нацыянальнай бібліятэкі Рэспублікі Татарстан ў частцы фарміравання і захаванасці фондаў, бібліятэчна-інфармацыйнага абслугоўвання карыстальнікаў, наладзілі рабочыя кантакты са спецыялістамі бібліятэк Расійскай Федэрацыі для далейшага супрацоўніцтва.

Каментарыі карыстальнікаў:

Каментаванне даступна толькі зарэгістраваным карыстальнікам

Навіны

50 гадоў Першамайскаму раёну!

26 Чэр 2019

Пастановай Прэзідыума Вярхоўнага Савета Беларускай ССР ад 25 чэрвеня 1969 года і рашэннем № 141 Мінскага гарадскога савета дэпутатаў ад 10 ліпеня 1969 года “Аб межах адміністрацыйна-тэрытарыяльных раёнаў горада Мінска” быў арганізаваны Першамайскі раён г.Мінска.

Навіны Нацыянальнай бібліятэкі Беларусі

Прароцтвы Вераніцына

26 Чэр 2019

Паэма “Тарас на Парнасе” ўнікальная тым, што не толькі ў гісторыі беларускай літаратуры ХІХ ст. паказала селяніна-беларуса цалкам станоўчым героем, але яшчэ і таму, што зрабіла больш важнае, асабліва для нашага таталітарнага мінулага стагоддзя, адкрыццё.

Навіны бібліятэк

Напярэдадні 50-годдзя Першамайскага раёна ўзнагароды за прафесіяналізм уручылі супрацоўнікам бібліятэкі

25 Чэр 2019

24 чэрвеня прайшло ўрачыстае ўзнагароджанне супрацоўнікаў прадпрыемстваў і арганізацый Першамайскага раёна г. Мінска.

Навіны Нацыянальнай бібліятэкі Беларусі

Пяць вершаў Адаму Міцкевічу

25 Чэр 2019

У Баранавічах у выдавецтве Алены Хахол выйшла з друку невялікая, але сімпатычная і арыгінальная кніжачка “Адам Міцкевіч”. Яна складаецца з пяці вершаў, прысвечаных Адаму Міцкевічу – класіку польскай і беларускай літаратуры. Аўтар вершаў – сябра Саюза беларускіх пісьменнікаў і настаўніца Таццяна Яцук, якая жыве ў Баранавічах.

Навіны бібліятэк

Адкрыты бясплатны доступ да рэсурсу Cochrane Library

24 Чэр 2019

Віртуальная чытальная зала Нацыянальнай бібліятэкі паведамляе, што на тэрыторыі Беларусі на працягу 2019 года для ўсіх арганізацый адкрыты бясплатны доступ да электроннага інфармацыйнага рэсурсу Cochrane Library.

Навіны Нацыянальнай бібліятэкі Беларусі

Выйшла кніга, прысвечаная II Еўрапейскім гульням

23 Чэр 2019

Выдавецтва “Беларуская Энцыклапедыя імя Петруся Броўкі” падрыхтавала і выпусціла ў свет кнігу на беларускай і англійскай мовах “Спорт вышэйшых дасягненняў. ІІ Еўрапейскія гульні – свята міру, спорту, дружбы народаў Еўропы” ў серыі “Беларусь спартыўная”. Кніга атрымалася не проста цікавая, а ў многіх адносінах пазнавальная, з адмысловым высокамастацкім афармленнем.

Навіны бібліятэк

111