20 лістапада Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавана і праведзена штомесячная тэматычная сустрэча з адвакатам “Звароты грамадзян: з практыкі грамадзянска-прававога кансультавання”.
З лекцыяй выступіла намеснік старшыні Беларускай рэспубліканскай калегіі адвакатаў, практыкуючы адвакат Мінскай абласной юрыдычнай кансультацыі № 3 Таццяна Уладзіміраўна Матусевіч.
На сустрэчы былі падрабязна асветлены прававыя пытанні ў рамках дзеючага заканадаўства Рэспублікі Беларусь, звязаныя з арганізацыяй працы са зваротамі грамадзян і юрыдычных асоб; патрабаванні, што прад’яўляюцца да зваротаў; парадак і тэрміны іх падачы і разгляду, а таксама правы і абавязкі заяўнікаў.
Удзельнікі сустрэчы змаглі атрымаць кампетэнтныя і падрабязныя адказы адваката на свае шматлікія пытанні.
У рамках мерапрыемства экспанавалася тэматычная выстава літаратуры з фондаў Нацыянальнай бібліятэкі Беларусі, прадстаўленая ў зале прававой інфармацыі.
Матэрыял прадастаўлены аддзелам абслугоўвання афіцыйнымі дакументамі.
