22 снежня а палове 19-й гадзіны ў Нацыянальнай бібліятэцы Беларусі ў рамках праекта “Кропка Адліку” адбудзецца творчая гасцёўня – сустрэча з гуртом “Джамбібум”.
Гуртом выканаўцаў этнічнай музыкі “Джамбібум” кіруе Анастасія Хмель – выпускніца музычнага вучылішча і Белдзяржуніверсітэта культуры і мастацтваў, вакалістка і музыкант (гітара, флейта, перкусія – дарбукі, джамбеі, бубны і інш.).
Першае выступленне “Джамбібума” адбылося ў 2004 г. Гурт спалучае ў сваёй творчасці традыцыйны беларускі вакал і цёплыя афрыканскія і паўднёваамерыканскія рытмы, выкарыстоўвае вялікую колькасць перкусійных і духавых інструментаў. Гурт запісаў 2 альбомы “Джамбібум” і “Жавароначкі”, выступаў на шматлікіх фестывалях. Атрымаў у 2008 г. прыз замежных экспертаў за альбом “Жавароначкі”.
У праграме творчай гасцёўні:
- паказ відэаканцэрта гурта “Джамбібум” у Варшаве;
- выступленне гурта “Джамбібум”;
- прэзентацыя творчай лабараторыі (выступленне Рамана Абрамчука і групы “Саша & Віталь”);
- расповед пра калядныя традыцыі (выступленне Антаніны Хатэнкі – спецыяліста па этнаграфіі, аўтара кнігі “Зніч крыжовых дарог”, журналісткі);
- калядаванне.
Запрашаюцца чытачы і супрацоўнікі Нацыянальнай бібліятэкі Беларусі.
Праграма адбудзецца ў галерэі “Лабірынт” (3-ці паверх). Уваход правы бакавы, з боку рэстарана “Мегаполіс”.
Мерапрыемства платнае – 2 500 руб. Аплата ў касе бібліятэкі (кіёск, цэнтральны ўваход).
Кантактныя тэлефоны: 266-37-37, 293-27-56; МТС (8 029) 7-725-752.