З нагоды святкавання Міжнароднага дня роднай мовы Нацыянальная бібліятэка Беларусі запрашае да прагляду тэматычнага відэароліка.
Адчуць сэрцам прыгажосць, пяшчоту і мілагучнасць беларускай мовы ў гучанні радкоў з вершаў беларускіх класікаў вы можаце разам з супрацоўнікамі і чытачамі Нацыянальнай бібліятэкі.
Далучыцца да святкавання Міжнароднага дня роднай мовы і праглядзець ролік можна і ў сацыяльных сетках. А пад хэштэгам #хвілінка_беларускай_мовы@nlb_by у наведвальнікаў акаўнтаў ёсць цудоўная магчымасць узгадаць каларытныя словы беларускай мовы, якія былі ўпершыню сабраныя разам у рамках асветніцкага праекта.
Матэрыял пададзены аддзелам сувязей з грамадскасцю.
