Адзначана шматгадовая і плённая праца дырэктара Нацыянальнай бібліятэкі Беларусі, доктара педагагічных навук, прафесара Рамана Сцяпанавіча Матульскага.
Р.С. Матульскі ўзнагароджаны:
- юбілейным медалём "Николай Петрович Румянцев – основатель Российской государственной библиотеки";
- нагрудным знакам Міністэрства культуры Рэспублікі Беларусь "За ўклад у развіццё культуры Беларусі";
- Дыпломам Камісіі Рэспублікі Беларусь па справах ЮНЕСКА за асабісты ўклад у развіццё супрацоўніцтва Рэспублікі Беларусь з ЮНЕСКА;
- Ганаровай граматай Беларускай бібліятэчнай асацыяцыі (ББА) за вялікі асабісты ўклад у станаўленне і развіццё ББА;
- Ганаровай граматай Мінскага гарадскога выканаўчага камітэта за шматгадовую плённую працу ў галіне беларускай культуры і мастацтва, асабістыя заслугі ў арганізацыі і правядзенні агульнагарадскіх культурна-масавых мерапрыемстваў, значны ўклад у сацыяльна-эканамічнае і культурнае развіццё горада Мінска і ў сувязі з 50-годдзем з дня нараджэння.
Таксама Раману Сцяпанавічу выражана Падзяка міністра інфармацыі Рэспублікі Беларусь А.В. Праляскоўскага за шматгадовую плённую працу па развіцці нацыянальнай бібліяграфіі Беларусі і значны асабісты ўклад у захаванне культурнай спадчыны краіны.