ГалоўнаяНавіныНавіны Нацыянальнай бібліятэкі Беларусі
Падзяка за працу – Нацыянальную бібліятэку ўзнагародзілі дыпломам ЮНЕСКА
“Святло дабрыні” заззяла ў Нацыянальнай бібліятэцы

Місія выканальна! Калектыў бібліятэкі ўзнагароджаны прэміяй “За духоўнае адраджэнне”

Місія выканальна! Калектыў бібліятэкі ўзнагароджаны прэміяй “За духоўнае адраджэнне”
Іншыя навіны

9 студзеня адбылася ўрачыстая цырымонія ўзнагароджання лаўрэатаў прэміі Прэзідэнта Рэспублікі Беларусь “За духоўнае адраджэнне”, спецыяльных прэмій Прэзідэнта Рэспублікі Беларусь дзеячам культуры і мастацтва і “Беларускі спартыўны Алімп” 2017 года.

Напярэдадні калядных святаў прынята не толькі дарыць падарункі і абменьвацца добрымі пажаданнямі, але таксама дзякаваць за стараннасць, плённую працу і важныя дасягненні. Традыцыйна ў першыя дні студзеня ў Палацы Рэспублікі гучаць словы ўдзячнасці ў адрас заслужаных людзей і калектываў, чыя праца пакінула важкі след у культуры, мастацтве, гісторыі і духоўным жыцці нашай краіны.

Удзельнікаў урачыстай цырымоніі павітаў Прэзідэнт Рэспублікі Беларусь Аляксандр Лукашэнка. Па выніках 2017 года за актыўную дзейнасць у гуманітарнай галіне прысуджаны пяць прэзідэнцкіх прэмій “За духоўнае адраджэнне”.

У пяцёрцы лаўрэатаў – Нацыянальная бібліятэка Беларусі! Высокай узнагароды калектыў удастоены за працу па факсімільным аднаўленні і папулярызацыі кніжнай спадчыны Францыска Скарыны.

Выхад у год святкавання 500-годдзя беларускага і ўсходнеславянскага кнігадрукавання факсіміле “Кніжная спадчына Францыска Скарыны” стаў рэзананснай падзеяй не толькі ў Беларусі, але і ва ўсім свеце. У дваццаці тамах – копіі арыгінальных выданняў вядомага гуманіста. Разгрупаваныя па ўсім свеце, раней яны былі недаступныя жыхарам Беларусі і іншых краін. Цяпер жа, дзякуючы намаганням Нацыянальнай бібліятэкі Беларусі і надзейнага партнёра Банка БелВЭБ, пазнаёміцца з каштоўнай спадчынай можа кожны беларус, кожны госць нашай сінявокай краіны, а таксама жыхары 55 краін свету.

Каштоўную ўзнагароду з рук Прэзідэнта прыняў дырэктар Нацыянальнай бібліятэкі Беларусі Раман Матульскі. Выказаўшы словы ўдзячнасці, Раман Сцяпанавіч адзначыў: “Гэта высокая ацэнка працы не толькі асобных людзей і працоўных калектываў, але і нашых папярэднікаў – тых, хто шмат гадоў працаваў дзеля стварэння матэрыяльнага дабрабыту, захавання духоўнай памяці нашага грамадства”.

Прэміяй “За духоўнае адраджэнне” таксама адзначаны калектывы Беларускага саюза жанчын і Рэспубліканскага навукова-практычнага цэнтра анкалогіі і медыцынскай радыялогіі імя М.М. Аляксандрава. Сярод лаўрэатаў – настаяцель прыхода храма прападобнай Еўфрасінні Полацкай у гарадскім пасёлку Івянец Віктар Перагудаў і муфтый Мусульманскага рэлігійнага аб’яднання ў Рэспубліцы Беларусь Абу-Бекір Шабановіч.

Па выніках 2017 года прысуджаны 10 спецыяльных прэмій Прэзідэнта Рэспублікі Беларусь дзеячам культуры і мастацтва.

За паспяховае правядзенне мерапрыемстваў, прысвечаных 500-годдзю беларускага кнігадрукавання, узнагароджаны заслужаны калектыў Рэспубліканскага тэатра беларускай драматургіі, а таксама калектыў выдавецкага цэнтра “Марка” РУП “Белпошта” – за стварэнне юбілейных высокамастацкіх паштовых марак.

Прэміяй адзначаны калектывы галоўнай дырэкцыі АТН Белтэлерадыёкампаніі, Беларускай дзяржаўнай акадэміі мастацтваў, Кастрычніцкага раённага дома рамёстваў, Мінскканцэрта, Беларускай дзяржаўнай акадэміі музыкі, Лідскага раённага цэнтра культуры і народнай творчасці.

Узнагароды таксама ўдастоены намеснік дырэктара Нацыянальнага гісторыка-культурнага музея-запаведніка “Нясвіж” Сяргей Егарэйчанка і вядомы мастак Валерый Слаук. Дарэчы, дзіўныя працы графіка-віртуоза на сённяшні дзень упрыгожваюць адну з галерэй Нацыянальнай бібліятэкі.

У холе Палаца Рэспублікі госці ўрачыстасці змаглі ўбачыць экспазіцыі лаўрэатаў прэзідэнцкіх прэмій. Нацыянальная бібліятэка прадставіла вынікі каласальнай пяцігадовай працы – шматтомнае факсіміле “Кніжная спадчына Францыска Скарыны”, якое стала духоўнай “візітнай карткай” Беларусі ва ўсім свеце.

Шчыра віншуем калектыў Нацыянальнай бібліятэкі Беларусі
з ганаровай узнагародай – прэміяй Прэзідэнта Рэспублікі Беларусь “За духоўнае адраджэнне”!
Дзякуем за высокі прафесіяналізм, цярпенне і стараннасць, адказнасць і адданасць справе!
Жадаем моцнага здароўя, дабрабыту, новых дзіўных праектаў і дастойных узнагарод!

Навіны

Скот Кэрал: “Беларусь стала нам вельмі дарагой”

23 Кас 2019

На працягу тыдня знаходзіўся ў нашай краіне з візітам знаны навуковец з ЗША, кіраўнік “Групы даследавання рукапісаў”, гісторык і археолаг, доктар філасофіі Скот Кэрал. Летась ў Нацыянальнай бібліятэцы Беларусі паспяхова прайшла міжнародная выстава “Беларусь і Біблія”, куратарам якой ён з’яўляўся.

Навіны бібліятэк

Святло зоркі, вернутае праз стагоддзе

22 Кас 2019

17 кастрычніка ў Дзяржаўным музеі гісторыі беларускай літаратуры адбылася лекцыя Ганны Севярынец “Крытык і сусвет. Адам Бабарэка, літаратура і літаратары”, адна з чатырох запланаваных да 120-годдзя таленавітага літаратуразнаўцы.

Аўтарскі погляд

14 Май 2008

Вялікі ўклад у развіццё літаратурнай бібліяграфіі краіны, распрацоўку яе методыкі, даследаванне жыцця і творчасці славутага беларускага паэта М. Багдановіча ўнесла выдатны бібліёграф, літаратуразнаўца, заслужаны дзеяч культуры Беларусі, член Саюза пісьменнікаў Беларусі Ніна Барысаўна Ватацы (14.05.1908 – 03.08.1997).

Партрэты: гісторыя бібліятэкі ў асобах

“Мінскае жыццё” на старонках газеты “Звон”

22 Кас 2019

У Беларусь польская інтэрвенцыя пачалася ў канцы лютага 1919 года. Палітычнае і ваеннае кіраўніцтва Польскай дзяржавы на чале з Юзэфам Пілсудскім разглядала Беларусь у якасці яе неад'емнай часткі. Ужо ў першай палове сакавіка 1919 г. польскімі войскамі былі захоплены гарады Брэст, Слонім, Ваўкавыск, Скідзель, Шчучын, Пінск. Праз месяц польскія войскі ўзнавілі наступленне. У ноч на 17 красавіка яны прарвалі Заходні фронт і захапілі Ліду і Баранавічы, а 21 красавіка – Вільню.

Праект “Сведкі эпохі: Беларусь на старонках газет 100-гадовай даўніны”

“Гадзіна музыкі” адкрывае новы сезон

21 Кас 2019

Нацыянальная бібліятэка Беларусі сумесна з Нацыянальнай акадэміяй навук Беларусі ў рамках “Гадзіны музыкі” адкрываюць новы сезон інтэрактыўных лекцый “Беларуская музыка ў сусветнай мастацкай прасторы”.

Навіны Нацыянальнай бібліятэкі Беларусі

Сустрэча з Адамам Бабарэкам

18 Кас 2019

17 кастрычніка, у музеі гісторыі беларускай літаратуры ў рамках праекта “На хвалі часу, у плыні жыцця” адбылася лекцыя Ганны Севярынец “Крытык і сусвет. Адам Бабарэка, літаратура і літаратары”.

Навіны бібліятэк

111