14 снежня ў дзіцячай бібліятэцы № 2 адбылася ўрачыстая цырымонія ўзнагароджання пераможцаў раённага літаратурнага конкурсу “Дэбют”.
Конкурс праводзіўся адміністрацыяй Першамайскага раёна горада Мінска ўжо ў 19-ты раз. У складзе журы – супрацоўнік часопіса "Вясёлка" лаўрэат рэспубліканскіх і міжнародных прэмій у галіне культуры Раіса Баравікова, галоўны рэдактар гэтага выдання дзіцячы пісьменнік Уладзімір Ліпскі, пісьменнік Віктар Праўдзін і паэтка Валянціна Паліканіна.
У спаборніцтве могуць прымаць удзел людзі ўсіх узростаў. Сёлета канкурсантам прапанавалі праявіць свае творчыя здольнасці ў рамках дзвюх тэм: “Культурная спадчына маёй Радзімы. Традыцыі і сучаснасць” – да Года культуры ў Беларусі і “Гучанне жыцця...” – да 75-годдзя народнага артыста Беларусі і СССР Уладзіміра Мулявіна .
Сярод удзельнікаў конкурсу была і супрацоўніца аддзела бібліятэчных тэхналогій Алеся Дзямідава, якую ўзнагародзілі дыпломам II ступені ў намінацыі “Проза”.
Сардэчна віншуем калегу і жадаем далейшых творчых поспехаў!
|
|
|
|
