Віншуем супрацоўнікаў Нацыянальнай бібліятэкі Беларусі з узнагароджаннем дзяржаўнымі ўзнагародамі Рэспублікі Беларусь.
16 студзеня 2013 г. Прэзідэнт Рэспублікі Беларусь Аляксандр Лукашэнка падпісаў Указ № 32 “Аб узнагароджанні дзяржаўнымі ўзнагародамі Рэспублікі Беларусь”.
За шматгадовую плённую працу, узорнае выкананне службовых абавязкаў, высокае прафесійнае майстэрства і заслугі ў развіцці бібліятэчнай справы
ганаровае званне “Заслужаны дзеяч культуры Рэспублікі Беларусь” прысвоена:
Матульскаму Раману Сцяпанавічу – дырэктару Нацыянальнай бібліятэкі Беларусі,
Рошчынай Таццяне Іванаўне – бібліёграфу першай катэгорыі сектара абслугоўвання навукова-даследчага аддзела кнігазнаўства;
медалём “За працоўныя заслугі” ўзнагароджаны:
Каспяровіч Станіслаў Браніслававіч – намеснік дырэктара па эканоміцы, рэжыму, эксплуатацыі будынка і абсталявання,
Ероха Таццяна Анатольеўна – загадчык аддзела даведачна-інфармацыйнага абслугоўвання;
медалём Францыска Скарыны ўзнагароджаны:
Гарбачова Людміла Васільеўна – загадчык інфармацыйна-аналітычнага аддзела,
Кірэева Галіна Уладзіміраўна – загадчык навукова-даследчага аддзела кнігазнаўства.
Віншуем калег з гэтай значнай падзеяй!
Шчыра жадаем моцнага здароўя, невычэрпнага запасу энергіі і жыццёвых сіл для рэалізацыі намечаных планаў і пастаўленых задач. Натхнення, поспехаў і далейшай плённай працы на карысць і развіццё бібліятэчнай справы!
Чытайце таксама пра ўзнагароджанне калектыву Нацыянальнай бібліятэкі Беларусі спецыяльнай прэміяй Прэзідэнта Рэспублікі Беларусь дзеячам культуры і мастацтва 2012 года.
