21 красавіка ў рамках III Рэспубліканскага дзелавога форуму “Развіццё прадпрымальніцтва ў Беларусі: Стратэгія. Прыярытэты. Перспектывы кансалідацыі” прайшла акцыя “Падары кнігу бібліятэцы”.
Рэспубліканская канфедэрацыя прадпрымальніцтва перадала ў дар Нацыянальнай бібліятэцы Беларусі дакументы, якія належалі старшыні вышэйшага каардынацыйнага савета дадзенай арганізацыі Уладзіміру Мікалаевічу Карагіну.
Калекцыя ўключае больш за 4 500 асобнікаў: кампакт-дыскі, асабістыя фотаздымкі, нататнікі з запісамі, кнігі эканамічнай і юрыдычнай тэматыкі, даведачную літаратуру, выданні, прысвечаныя аграпрамысловаму комплексу, фінансам, каталогі выстаў, мастацкую літаратуру, музычныя дыскі.
Дакументы папоўнілі фонды Нацыянальнай бібліятэкі і ў хуткім часе будуць даступныя для чытачоў.
Матэрыял пададзены аддзелам сувязей з грамадскасцю.
