20 сакавіка ў бібліятэцы прайшоў рэспубліканскі дзелавы форум “Развіццё прадпрымальніцтва ў Беларусі: стратэгія і тактыка” ў рамках IV Тыдня беларускага прадпрымальніцтва.
Арганізатары – Беларускі фонд фінансавай падтрымкі прадпрымальнікаў і Саюз юрыдычных асоб “Рэспубліканская канфедэрацыя прадпрымальніцтва”.
На форуме ў рамках акцыі “Падары кнігу бібліятэцы” ў фонд галоўнага кнігасховішча краіны былі перададзены дзясяткі выданняў – кнігі і настольныя гульні – на тэмы эканомікі і прадпрымальніцтва.
Першы намеснік дырэктара Нацыянальнай бібліятэкі Беларусі Алена Далгаполава падзякавала Рэспубліканскай канфедэрацыі прадпрымальнікаў за шчодры жэст і адзначыла, што такія выданні будуць карыстацца попытам сярод чытачоў “алмаза ведаў”.
Тыдзень беларускага прадпрымальніцтва стаў традыцыйнай і значнай падзеяй у эканамічным і грамадскім жыцці Беларусі. Сёлета ў праграме мерапрыемства – семінары, канферэнцыі, профільныя пасяджэнні, выступленні топ-менеджараў і бізнес-лідараў краіны, круглыя сталы, панэльныя дыскусіі, а таксама форумы, адзін з якіх прайшоў у галоўнай бібліятэцы краіны.
Матэрыял прадастаўлены аддзелам сувязей з грамадскасцю.
