ГалоўнаяНавіныНавіны Нацыянальнай бібліятэкі Беларусі
Модны Кітай
Школа маладога пісьменніка пры СБП набірае навучэнцаў

IV Форум бібліятэкараў Беларусі

Іншыя навіны

15–17 верасня прайшоў IV Форум бібліятэкараў Беларусі “Гуманітарна-асветніцкая дзейнасць бібліятэк у кантэксце агульначалавечых каштоўнасцей і беларускай дзяржаўнасці”.


Яго арганізатарамі сталі Міністэрства культуры Рэспублікі Беларусь, грамадскае аб’яднанне “Беларуская бібліятэчная асацыяцыя”, дзяржаўная ўстанова “Нацыянальная бібліятэка Беларусі”.

У мерапрыемстве прыняло ўдзел каля 250 дэлегатаў з Беларусі – вядучыя спецыялісты бібліятэк, адукацыйных устаноў, прадстаўнікі заканадаўчай і выканаўчай улады.

15 верасня з прывітальным словам да ўдзельнікаў Форуму звярнуліся намеснік міністра культуры Рэспублікі Беларусь Чэрнік Васіль Мечаслававіч, намеснік старшыні Пастаяннай камісіі па адукацыі, культуры і навуцы Палаты прадстаўнікоў Нацыянальнага сходу Рэспублікі Беларусь Кучынская Наталля Генадзьеўна, старшыня цэнтральнага камітэта Беларускага прафесійнага саюза работнікаў культуры Аўдзеева Наталля Пятроўна, старшыня Першамайскай раённай арганізацыі г. Мінска РГА “Белая Русь” Мацюшкова Людміла Пятроўна.

Выступоўцы падкрэслілі асаблівае значэнне бібліятэк у справе захавання і прымнажэння культурнай спадчыны беларускага народа, развіцця інтэлектуальнага і духоўнага патэнцыялу нацыі, вызначылі кансалідуючую ролю Беларускай бібліятэчнай асацыяцыі ў рэалізацыі гэтай сацыяльнай місіі.

На пленарным пасяджэнні была разгледжана роля дзяржаўных праграм Рэспублікі Беларусь у развіцці доступу да інфармацыі праз бібліятэчную сетку, падняты праблемы нарматыўнага прававога забеспячэння бібліятэчнай сферы, карпаратыўнага ўзаемадзеяння бібліятэк Беларусі, прафесійнай адукацыі бібліятэчных спецыялістаў, прапанаваны прагнозы развіцця сферы.

16 верасня прайшлі пасяджэнні чатырох секцый: “Інфармацыйная і сацыякультурная дзейнасць бібліятэк у кантэксце новага часу”, “Бібліятэкі і моладзь: грані ўзаемадзеяння”, “Праграмна-праектная дзейнасць бібліятэк”, “Вопыт работы, дасягненні і новыя гарызонты бібліятэк – пераможцаў конкурсу «Бібліятэка – асяродак нацыянальнай культуры»”.

Прагучала больш за 30 дакладаў спецыялістаў бібліятэк розных міністэрстваў і ведамстваў, у якіх яны прадставілі вопыт сваёй работы па ўкараненні інфармацыйных тэхналогій, рэалізацыі сацыякультурнай місіі бібліятэк, ажыццяўленні даследчай дзейнасці, стварэнні інфармацыйных рэсурсаў і арганізацыі інфармацыйна-бібліятэчнага абслугоўвання розных груп насельніцтва.

Прааналізаваўшы праблемы развіцця бібліятэчнай сферы, дэлегатамі была выпрацавана рэзалюцыя, у якой яны намецілі мерапрыемствы па развіцці сферы.

Пад час падвядзення вынікаў Форуму 17 верасня, усе ўдзельнікі аднадушна выказалі ўпэўненасць, што IV Форум бібліятэкараў Беларусі стаў новым імпульсам для пошуку інавацыйных ідэй, наступнага развіцця творчага патэнцыялу і сацыяльнай актыўнасці бібліятэкараў.

Праграма форума

Навіны

#BelBookChallenge 2020 – на старт!

26 Ліс 2020

Калі вы даўно хацелі бліжэй пазнаёміцца з сучаснай беларускай літаратурай, але Сусвет усё ніяк не падаваў вам знак, то – вось ён! З 26 лістапада па 6 лютага ў гонар 90-годдзя з дня нараджэння Уладзіміра Караткевіча Нацыянальная бібліятэка запускае кніжны чэлендж. Кіньце кніжны выклік самому сабе!

Навіны Нацыянальнай бібліятэкі Беларусі

Віншуем: генеральны дырэктар Нацыянальнай бібліятэкі Беларусі абраны прэзідэнтам Бібліятэчнай асамблеі Еўразіі!

25 Ліс 2020

25 лістапада на XXIV Агульным сходзе членаў некамерцыйнага партнёрства “Бібліятэчная асамблея Еўразіі” (БАЕ) прайшлі выбары прэзідэнта.

Навіны Нацыянальнай бібліятэкі Беларусі

Цытаты Уладзіміра Караткевіча

25 Ліс 2020

26 лістапада спаўняецца 90 гадоў з дня нараджэння класіка беларускай літаратуры Уладзіміра Караткевіча. Разам з дзеткамі цытуем аднаго з самых яркіх і самабытных прадстаўнікоў беларускай літаратуры ХХ стагоддзя.

Навіны Нацыянальнай бібліятэкі Беларусі

Адкрыйце для сябе мастака Караткевіча на выстаўцы “Княства вобразаў і слоў”

25 Ліс 2020

26 лістапада ў бібліятэцы пачне работу выстаўка “Княства вобразаў і слоў”, прымеркаваная да 90-годдзя з дня нараджэння класіка беларускай літаратуры Уладзіміра Сямёнавіча Караткевіча.

Выставачныя мультыпраекты

Запрашаем далучыцца да анлайн-прэзентацыі даследавання Берасцейскай Бібліі

25 Ліс 2020

25 лістапада адбудзецца прэзентацыя манаграфіі "Асэнсаванне шэдэўра. Берасцейская Біблія", прымеркаваная да 80-годдзя Брэсцкай абласной бібліятэкі.

Навіны Нацыянальнай бібліятэкі Беларусі

Выкладчыкі раяць: што чытаць, каб не забыць сваю англійскую, нямецкую і нават чэшскую мову

24 Ліс 2020

У сучасным свеце без ведання замежных моў не абысціся. Але колькі б намаганняў мы ні прыкладалі вывучаючы мовы, наша памяць з часам бязлітасна пазбаўляецца ад усяго слоўнікавага запасу, варта хоць на месяц перастаць практыкавацца. Дык што ж рабіць? Адказ: чытаць, вядома. Выкладчыкі моўнай школы LinguaLand склалі для вас выдатную падборку кніг, якія не толькі падтрымаюць ваш узровень ведаў, але і захопяць самой гісторыяй. Так што хапайце слоўнікі і свае чытацкія білеты: мы ідзём вучыцца!

Аўтарскі погляд

111