29 лістапада ў бібліятэцы адкрыліся IV Беларускія Калядныя чытанні “Моладзь: свабода і адказнасць”.
Кожны год Беларускія Калядныя чытанні праходзяць у рамках пэўнай тэматыкі. У цэнтры ўвагі ў гэты раз – актуальныя праблемы духоўна-маральнага выхавання дзяцей і моладзі і захавання культурнай спадчыны.
Ва ўрачыстым адкрыцці мерапрыемства і цырымоніі падвядзення вынікаў і ўзнагароджання пераможцаў IV Рэспубліканскага конкурсу “Бібліятэка – цэнтр духоўнай асветы і выхавання” прынялі ўдзел Мітрапаліт Мінскі і Заслаўскі Павел, Патрыяршы Экзарх усяе Беларусі, першы намеснік міністра культуры Рэспублікі Беларусь Наталля Карчэўская, першы намеснік дырэктара Нацыянальнай бібліятэкі Беларусі Алена Далгаполава. Узнагарод удастоены сем бібліятэк рэспублікі.
Гран-пры
- дзяржаўная ўстанова культуры “Барысаўская цэнтральная раённая бібліятэка імя І.Х. Каладзеева”
У намінацыі “Духоўна-маральнае выхаванне дзяцей і моладзі”
- дзяржаўная ўстанова культуры “Цэнтралізаваная бібліятэчная сістэма г. Баранавічы”
- Баркалабаўская сельская бібліятэка дзяржаўнай установы культуры “Цэнтралізаваная бібліятэчная сетка Быхаўскага раёна”
У намінацыі “Гісторыя Праваслаўя роднага краю”
- дзяржаўная ўстанова культуры “Лёзненская цэнтралізаваная бібліятэчная сістэма”
- бібліятэка дзяржаўнай установы адукацыі “Сінкевічская сярэдняя школа”
У намінацыі “Сям'я – спадчынніца маральных і духоўных каштоўнасцей”
- Пінская гарадская дзіцячая бібліятэка дзяржаўнай установы культуры “Пінская гарадская цэнтралізаваная бібліятэчная сістэма”
- Амелянецкая сельская бібліятэка дзяржаўнай установы культуры “Камянецкая раённая бібліятэчная сістэма”
Конкурс праводзіўся з мэтай актывізацыі асветніцкай дзейнасці бібліятэк рэспублікі, якая садзейнічае фарміраванню духоўна-маральных якасцей асобы, удасканаленню іх работы па выхаванні патрыятызму і грамадзянскасці дзяцей і моладзі на аснове праваслаўных традыцый.
Мерапрыемства працягнулі пленарнае і секцыйныя пасяджэнні. Удзельнікі чытанняў падвялі вынікі конкурсу эскізных праектаў аднаўлення крыжа Тураўскай епархіі XII–XIII стагоддзяў, заслухалі даклады, якія закранаюць праблемы выхавання дзяцей і моладзі, папулярызацыі ў маладзёжным асяроддзі сямейных каштоўнасцеў, выкарыстанне ў краязнаўчай дзейнасці бібліятэк па вывучэнні праваслаўных традыцый сучасных інфармацыйных тэхналогій і многае іншае.
Арганізатарам мерапрыемства выступіла Беларуская праваслаўная царква пры падтрымцы Міністэрства культуры Рэспублікі Беларусь, Міністэрства аховы здароўя Рэспублікі Беларусь, Міністэрства адукацыі Рэспублікі Беларусь, Міністэрства працы і сацыяльнай абароны Рэспублікі Беларусь, Нацыянальнай акадэміі навук Беларусі, Нацыянальнай бібліятэкі Беларусі.
30 лістапада ў вышэйшых навучальных установах сталіцы пройдуць круглыя сталы, канферэнцыі і секцыйныя пасяджэнні ў рамках тэматыкі чытанняў.
Матэрыял падрыхтаваны аддзелам сувязей з грамадскасцю.
Глядзіце таксама наш фотарэпартаж, відэасюжэт телеканала "Беларусь 1" "Напачатку Каляднага паста Беларуская праваслаўная царква арганізуе духоўную акцыю", а таксама відэарэпартажы АНТ і СТВ:
