16 кастрычніка 2008 года ў Нацыянальнай бібліятэцы Беларусі адбыўся IV Беларуска-Латвійскі інвестыцыйны форум "Супрацоўніцтва ў інвестыцыйнай сферы як фактар узаемадапаўняльнасці і росту эканомік".
Форум праводзіўся пры падтрымцы афіцыйных структур Рэспублікі Беларусь і Латвійскай Рэспублікі. Адначасова з ім прайшло пасяджэнне Беларуска-Латвійскай міжурадавай камісіі па эканамічным і навукова-тэхнічным супрацоўніцтве "Інвестыцыйная прывабнасць Рэспублікі Беларусь".
Суарганізатарамі мерапрыемства выступілі беларускае РУП "Нацыянальнае інвестыцыйнае агенцтва" і Латвійскае грамадства садзейнічання латвійска-беларускім эканамічным сувязям. Падчас форуму ўдзельнікі абмеркавалі найбольш актуальныя пытанні гандлёва-эканамічнай сферы. У прыватнасці, бакі разгледзелі развіццё сувязяў у вобласці вытворчай кааперацыі, стварэння сумесных вытворчасцяў у сферы энергетыкі, сельскай гаспадаркі, транспарту, аховы здароўя, фармацэўтыкі, турызму, стандартызацыі, транзіту, аховы навакольнага асяроддзя, навукі і тэхнікі, а таксама абмяркоўвалася пытанне аб пашырэнні супрацоўніцтва паміж таможнымі службамі.
У форуме прымалі ўдзел міністр эканомікі Рэспублікі Беларусь М.П. Зайчанка, міністр эканомікі Латвійскай Рэспублікі К. Герхардс, Надзвычайны і Паўнамоцны Пасол Рэспублікі Беларусь у Латвійскай Рэспубліцы А.М. Герасіменка, Надзвычайны і Паўнамоцны Пасол Латвійскай Рэспублікі ў Рэспубліцы Беларусь М. Мора, а таксама кіраўнікі галіновых міністэрстваў, канцэрнаў, асацыяцый, буйнейшых банкаўскіх і фінансавых структур, прадстаўнікі транспартных, экспедытарскіх кампаній, лагістычных цэнтраў, партоў, іншых дзелавых кругоў, зацікаўленых у развіцці дзелавога супрацоўніцтва паміж дзяржавамі.
 |
 |
 |
 |
 |
 |
