“Ад таго, што з'явіліся фатаграфіі і відэа, мы не перасталі любавацца карцінамі” – пра лёс друкаванай кнігі сваім меркаваннем падзяліўся дырэктар Нацыянальнай бібліятэкі Беларусі Раман Матульскі.
Напярэдадні ХХVI Мінскай міжнароднай кніжнай выстаўкі-кірмашу для гледачоў тэлеканала АНТ Раман Сцяпанавіч распавёў аб цэнтральным экспанаце стэнда Нацыянальнай бібліятэкі Беларусі – факсімільным выданні 400-гадовага “Буквара”.
Р. Матульскі не абышоў увагай і іншыя навінкі: каталог міжнароднай выстаўкі “Беларусь і Біблія”, кнігу “Библиотеки Беларуси. Из прошлого в будущее. 1917–1991”, а таксама электроннае выданне “Станаўленне беларускай дзяржаўнасці: па старонках беларускіх газет 1917–1922 гг.”, прэзентацыя якога пройдзе на міжнароднай выстаўцы-кірмашы 7 лютага.
Матэрыял прадастаўлены аддзелам сувязей з грамадскасцю.
