23 мая а 17-й гадзіне ў галерэі “Лабірынт” Нацыянальнай бібліятэкі Беларусі адбудзецца ўрачыстае адкрыццё інтэрактыўнага праекта “Сеанс-3”.
Інтэрактыўны праект “Сеанс” – адзін з самых папулярных сярод шырокай публікі. Гледачы маюць магчымасць далучыцца да творчага працэсу пад кіраўніцтвам вядомых беларускіх мастакоў, фатографаў і майстроў дэкаратыўна-прыкладнога мастацтва.
На працягу некалькіх гадзін наведвальнікі будуць маляваць разам з мастакамі. Паспрабуюць сябе ў ролі мадэлі, паўдзельнічаюць у фотасесіях, дапамогуць стварыць калаж з садавіны і гародніны. Для іх пройдзе майстар-клас па выцінанцы. Л. Пяруль пазнаёміць жадаючых з сакрэтамі стварэння габеленаў, В. Паўлавец падзеліцца тайнамі акварэльнай тэхнікі, а Ю. Падолін растлумачыць, што такое манатыпія і як яна ствараецца.
Тут жа будуць маляваць партрэты з натуры Я. Шунейка, А. Вырва і Г. Мельнікава.
Экспазіцыя будзе складацца з эскізаў будучых кампазіцый, накідаў з натуры, замалёвак дэталей, пошукаў варыянтаў рашэння.
Кантактны тэлефон: (+375-17) 293-28-23.
E-mail: pr@nlb.by