На семінары, які адбыўся ў Нацыянальнай бібліятэцы Беларусі 22 кастрычніка ў рамках VII Міжнароднага кангрэса “Бібліятэка як феномен культуры” (мадэратары: Кулажэнка У.Г., дырэктар Фундаментальнай бібліятэкі Беларускага дзяржаўнага ўніверсітэта, Шарамецьева А.А., начальнік інфармацыйнага цэнтра Нацыянальнай бібліятэкі Беларусі), былі прадстаўлены даклады і відэавыступы, прысвечаныя:
- асноўным напрамкам лічбавай трансфармацыі бібліятэк Беларусі;
- мадэрнізацыі комплексу інфармацыйна-тэхналагічных сістэм для аўтаматызацыі навуковых і навукова-тэхнічных бібліятэк на аснове воблачных Web-тэхналогій;
- развіццю фарматаў BELMARC з улікам прадстаўлення ў іх сістэм ідэнтыфікацыі аб’ектаў навуковай камунікацыі (DOI, ORCID, ISNI);
- вопыту ўкаранення discovery-сэрвісаў у электронны каталог НББ;
- асноўным падыходам інтэграцыі акадэмічнага кантэнту ў міжнародную сістэму навуковых камунікацый;
- мадэрнізацыі сэрвісаў бібліятэкі ВНУ ва ўмовах рэалізацыі канцэпцыі “Універсітэт 4.0”;
- стварэнню сістэмы Рэгіянальных зводных электронных каталогаў (РЗЭК) на воблачнай платформе Рэспубліканскага цэнтра апрацоўкі даных.
Удзельнікі семінара (кіраўнікі і спецыялісты бібліятэк ВНУ, прадстаўнікі публічных і акадэмічных бібліятэк, супрацоўнікі навукова-даследчых арганізацый, выкладчыкі ВНУ) прынялі актыўны ўдзел у працы семінара і прапанавалі:
- падтрымаць прапанову НББ па стварэнні на базе тэхнічных сродкаў Рэспубліканскага цэнтра апрацоўкі даных праграмна-тэхнічнай платформы бібліятэк Беларусі. Распрацаваная на аснове воблачных тэхналогій Платформа, якая прадстаўляе паслугі бібліятэкам Беларусі па мадэлі SaaS (праграмнае забеспячэнне як паслуга), павінна спрыяць далейшаму развіццю бібліятэчнай IT-сферы Рэспублікі Беларусь, падняць ступень аўтаматызацыі бібліятэчных працэсаў на больш высокі ўзровень, максімальна ўніфікаваць праграмнае забеспячэнне аўтаматызаваных бібліятэчна-інфармацыйных сістэм бібліятэк, аптымізаваць выдаткі на тэхнічнае абслугоўванне абсталявання, суправаджэнне праграмнага забеспячэння, інтэграваць нацыянальныя і рэгіянальныя інфармацыйныя рэсурсы як унутры краіны, так і за мяжой, павысіць якасць абслугоўвання карыстальнікаў бібліятэк;
- вызначыць прыярытэтным напрамкам развіцця Зводнага электроннага каталога бібліятэк Беларусі – фарміраванне адзінага пункта доступу да інфармацыйных рэсурсаў бібліятэк Беларусі на аснове тэхналогій Discovery Service, які аб’ядноўвае пошук па іх метаданых і кантэнту;
- працягнуць абмеркаванне тэмы прымянення семантычнага web у бібліятэках Беларусі на міжуніверсітэцкай канферэнцыі “Менеджмент бібліятэк устаноў вышэйшай адукацыі”.
З відэазапісам семінара можна азнаёміцца тут.
Матэрыял пададзены аддзелам бібліятэчна-інфармацыйных тэхналогій.
