25–26 кастрычніка ў Санкт-Пецярбургу прайшла міжнародная навукова-практычная канферэнцыя “Інтэграцыя інвалідаў у сацыякультурнай і інфармацыйнай прасторы: задачы і функцыі бібліятэк”.
Канферэнцыя была арганізавана санкт-пецярбургскай Дзяржаўнай бібліятэкай для невідушчых і людзей са слабым зрокам і Расійскай бібліятэчнай асацыяцыяй пры падтрымцы Камітэта па культуры Санкт-Пецярбурга. У канферэнцыі ўдзельнічалі кіраўнікі і супрацоўнікі бібліятэк, прадстаўнікі грамадскіх арганізацый, вучоныя з Расійскай Федэрацыі, Казахстана, Узбекістана, Беларусі, ЗША.
У рабоце канферэнцыі ўзяла ўдзел і выступіла з дакладам “Роля Нацыянальнай бібліятэкі Беларусі ў арганізацыі бібліятэчна-інфармацыйнага абслугоўвання інвалідаў па зроку” галоўны бібліятэкар аддзела бібліятэчнага абслугоўвання Нацыянальнай бібліятэкі Беларусі Несцярэўская В.А.
На канферэнцыі абмяркоўваліся наступныя пытанні:
- грамадская свядомасць як фактар сацыяльнай адаптацыі і інтэграцыі інвалідаў у грамадстве;
- арганізацыя прасторы для абслугоўвання інвалідаў розных катэгорый;
- магчымасці выкарыстання новых інфармацыйных тэхналогій у абслугоўванні інвалідаў розных катэгорый;
- інавацыйныя формы інфармацыйна-бібліятэчнага абслугоўвання насельніцтва з праблемамі жыццядзейнасці;
- атрымліванне супрацоўнікамі бібліятэк дадатковых ведаў для работы з інвалідамі розных катэгорый;
- сацыяльнае партнёрства бібліятэк у пытаннях рэабілітацыі і інтэграцыі інвалідаў у сацыякультурнай і інфармацыйнай прасторы.
У рамках работы канферэнцыі таксама была арганізавана экскурсія ў інфармацыйны камп’ютарны цэнтр санкт-пецярбургскай Дзяржаўнай бібліятэкі для невідушчых і людзей са слабым зрокам, у ходзе якой удзельнікі канферэнцыі азнаёміліся з паслугамі, аказваемымі спецыялістамі цэнтра інвалідам па зроку пры дапамозе тыфлатэхнічных сродкаў.