Мерапрыемства было арганізавана Нацыянальнай бібліятэкай Беларусі сумесна з Арганізацыяй эканамічнага супрацоўніцтва і развіцця (OECD) пры ўдзеле бібліятэкі Беларускага дзяржаўнага эканамічнага ўніверсітэта (БДЭУ).

У рабоце семінара ўзялі ўдзел звыш 80 чалавек: спецыялісты бібліятэк, навуковыя супрацоўнікі, выкладчыкі і студэнты вышэйшых навучальных устаноў і навукова-даследчых устаноў нашай краіны.

Семінар вялі Кузьмініч Т.В. (намеснік дырэктара Нацыянальнай бібліятэкі Беларусі па інфармацыйных рэсурсах) і Далгаполава А.Е. (намеснік дырэктара Нацыянальнай бібліятэкі Беларусі па інфармацыйна-бібліятэчным абслугоўванні).

У рамках семінара быў прадстаўлены шырокі спектр інфармацыйных рэсурсаў і паслуг Нацыянальнай бібліятэкі ў сферы міжнародных адносін (даклад Знак М.В.), асаблівасці выкарыстання электроннай бібліятэкі OECD падчас інфармацыйна-бібліятэчнага абслугоўвання чытачоў (даклад Машкаровай Н.Г.).

Прадстаўнік міжнароднай Арганізацыі па эканамічным супрацоўніцтве і развіцці Mr. Damon Allen азнаёміў удзельнікаў з асноўнымі кірункамі дзейнасці арганізацыі, а таксама прадэманстраваў сэрвісныя магчымасці электроннай бібліятэкі OECD.

У выступленні прафесара кафедры міжнароднага бізнесу Беларускага дзяржаўнага эканамічнага універсітэта Балашэвіча М.І. была акцэнтавана ўвага на значнасці электронных інфармацыйных рэсурсаў у падрыхтоўцы спецыялістаў міжнародных адносін. Шандора С.В., дырэктар бібліятэкі БДЭУ, прадставіў аналіз выкарыстання электронных статыстычных матэрыялаў ва ўмовах універсітэцкай бібліятэкі.