22 кастрычніка 2009 года ў Нацыянальнай бібліятэцы Беларусі адбыўся семінар “Інфармацыйныя рэсурсы і інфармацыйныя тэхналогіі ў бібліятэках”.
Семінар прайшоў у рамках Міжнароднай навукова-практычнай канферэнцыі “Бібліятэкі і музеі ў сістэме інавацыйнай дзейнасці”.
Работу семінара ўзначалілі А.Е. Далгаполава, намеснік дырэктара Нацыянальнай бібліятэкі Беларусі па інфармацыйна-бібліятэчным абслугоўванні, кандыдат педагагічных навук, В.М. Бігеза, дацэнт кафедры менеджменту інфармацыйна-дакументнай сферы Беларускага дзяржаўнага універсітэта культуры і мастацтваў, кандыдат філалагічных навук.
У рамках правядзення семінара абмяркоўваўся шэраг пытанняў: выкарыстанне інфармацыйных рэсурсаў і тэхналогій ў рабоце бібліятэк, роля інтэрнэт-рэсурсаў у фарміраванні бібліятэчных фондаў, прымяненне інавацыйных падыходаў да розных бібліятэчных працэсаў, укараненне сістэмы карпаратыўнай каталагізацыі ў Рэспубліцы Беларусь, узаемадзеянне бібліятэк Беларусі ў сферы фарміравання фондаў і ў сістэме навучання і інш.
 |
 |
 |
 |
 |
